fbpx
August 13, 2022

Setty Yarzagaray (MEP): Ta proyecta cu pa fin di augustus lo presenta presupuesto 2023

Share on facebook
Share on Facebook
Share on whatsapp
Share on Whatsapp
0
0
Setty Yarzagaray (MEP): Ta proyecta cu pa fin di augustus lo presenta presupuesto 2023
Setty Yarzagaray (MEP): Ta proyecta cu pa fin di augustus lo presenta presupuesto 2023


Durante un conferencia di prensa cu a tuma luga dilanti di parlamento, parlamentario drs. Setty Christiaans Yarzagaray, a señala na e echo cu minister di finanza, Xiomara Maduro, a indica riba con e proceso di presupuesto 2023 ta bayendo.

Christiaans-Yarzagaray a bisa cu durante varios trayectorio di presupuesto den pasado, por a tuma nota di hopi critica durante diferente gobernacion y cu den caso di e gobierno actual, “e proceso ta canando segun e schema, schema ta cu entre februari cu maart tur departamento tin cu entrega locual nos ta yama nan deseonan…di kico nan ta desea pa 2023”, pa por tin un concepto pa luna di mei pa presenta n’e ministernan y tambe presenta e parti di inversion personal.

Siguientemente lo bin aprobacion di e concepto di parti di conseho di minister y despues ta bay CAft pa haya reaccion pa despues sigui pa Raad van Advies y unabes aki, gobierno lo mester bay haci nan contestacion pa loke ta e sugerencia y conseho di Raad van Advies. Den tur esaki, Christiaans-Yarzagaray a bisa tambe cu “ta proyecta e aña ‘ki cu pa fin di augustus, cuminsamento di september, segun ley, esaki wordo presenta na parlamento”,  sperando sigur cu a pesar di tur reto, e presupuesto logra cana su proceso legal.

Pa un relato mas amplio, lesa edicion di TREMPAN.

Share on facebook
Share on Facebook
Share on whatsapp
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.