fbpx
June 30, 2022

Corte: E caso contra Otmar Oduber ta suak

Share on facebook
Share on Facebook
Share on whatsapp
Share on Whatsapp
0
0
Corte: E caso contra Otmar Oduber ta suak
Corte: E caso contra Otmar Oduber ta suak


Hopi hende a keda cuestiona e decision di hues-comisario relaciona cu libertad di ex-minister Otmar Oduber. Di banda di corte, nan ta sigura cu e hues-comisario tabatin motibo valido pa no bay di acuerdo cu e peticion di fiscal di Ministerio Publico pa prolonga detencion di e ex-minister.

Corte a constata cu Ministerio Publico ta pidi pa prolonga e detencion di Otmar Oduber den forma di “vordering tot bewaring”. Pero, pa e echo “misbruik van functie” no por aplica detencion preventivo, o sea “voorlopige hechtenis/bewaring”. Pesey hues-comisario no a tene cuenta cu e acusacion aki.

Pa e otro 2 echonan, sospecho pa cu ‘zogenaamde spookambtenaren’ y pa cu ‘uitgifte van overheidsgronden’, hues-comisario ta haya, mirando e documentonan cu el a haya, cu NO tin suficiente indicacion cu Otmar Oduber a comete e delitonan aki. Hues-comisario no ta mira nada, mas bien ta referi “geen ernstige bezwaren”. Pesey hues-comisario a rechasa e demanda di fiscal pa prolonga e detencion di Oduber, den forma di ‘vordering bewaring’.

Mester menciona cu, un aspecto straño den e caso aki ta cu na inicio a papia di ocho acusacion contra e ex-Vice Prome Minister di nos pais. Sinembargo, awo ta papia di solamente dos acusacion contra e acusado. Ta trata aki di solamente e sospecho di estafa y omkoping. Y den e caso aki, corte ta sinti cu locual tin awo como prueba den e ‘dossier’ no tin suficiente pa condena e ex-mandatario di Gabinete Wever-Croes I.

Sospechosonan envolvi

Relaciona cu desaroyo di e caso, a realisa detencion di Aisha Esser dia 2 di maart ultimo, e prome detencion den caso Flamingo. Dia 11 di maart Esser tabata bek den libertad.

Dia 7 di maart a detene Fito Croes tambe den e caso di Flamingo. A realisa entrada hudicial na su cas na Kurimiauw y a confisca basta articulo. Despues di un siman, dia 14 di maart, Croes. a sali liber.

Den tur esaki, dia 26 di april 2022 a detene Jeandrick Oduber, yiu homber di Otmar Oduber y a interog’e na oficina di Landsrecherche. Tres dia despues, Jeandrick a recobra su libertad.

Dia 10 di mei a detene ex-minister Otmar Oduber, despues cu el a yega oficina di Landsrecherche pa un interogacion. A want’e pa dies dia largo y awe, ora cu husticia a kere cu hues-comisario lo prolonga e detencion, a dicidi pa no haci esaki pa falta di prueba.

Caso Flamingo

Dia 24 di juni 2020, Landsrecherche (DLR) a haci varios huiszoeking en cooperacion cu RST (Recherche Samenwerkingsteam) y Cuerpo Policial Aruba y bou guia di hues-comisario. E huiszoekingnan aki tabata den cuadro di un investigacion penal di Landsrecherche tocante posibel delito di corupcion y otro hecho castigabel relaciona cu otorgamento di tereno di gobierno. E investigacion penal aki ta carga e nomber codico ‘Flamingo’. rocurador General a duna Landsrecherche ordo na september 2019 pa cuminsa e investigacion aki relaciona cu informacion cu Ministerio Publico a ricibi di Cuerpo Policial di Aruba. Den e investigacion tin informacion tambe cu a wordo suministra na Ministerio Publico pa varios persona y organisacion. E investigacion ‘Flamingo’ ta dirigi primordialmente riba iregularidadnan den otorgamento di terenonan comercial di erfpacht den e periodo di 2017 pa 2019.

Mas concretamente bisa: e investigacion ta dirigi su mes riba e pregunta si un of mas compania a logra obtene incorectamente (un opcion) riba terenonan di erfpacht den e periodo di november 2017 pa december 2019, caminda ta investiga tambe e eventual rol di e minister anterior. Den e huiszoekingnan a confisca documentonan y cargadornan di data. Di awor pa dilanti e team investigativo lo analisa e contenido di e administratie y e computernan cu a wordo tuma den beslag y lo scucha e sospechosonan y testigonan.

Share on facebook
Share on Facebook
Share on whatsapp
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.