fbpx
June 30, 2022

MAS na AVP: Nos no ta “Fly-by-night”

Share on facebook
Share on Facebook
Share on whatsapp
Share on Whatsapp
0
0
MAS na AVP: Nos no ta “Fly-by-night”
MAS na AVP: Nos no ta “Fly-by-night”


Algun dia pasa, lider di partido AVP, mr. Mike Eman tabata den un entrevista den Enfoke den cua el a reacciona riba algun declaracion di su colega parlamentario Miguel Mansur di Accion 21. Tabata trata aki di un ponencia expresa pa Mansur den cua el a rechasa e politiconan cu experiencia bisando “e dinosaurionan den AVP cu nan extension a pasa dia bieu, pero nan no kier acepta esey. Ta ora pa nan trek nan conclusion.”

Riba esaki, Eman na su turno a bisa cu AVP ta preparando pa no ta dependiente di partido cu ta ‘fly by night’. “Nan t’ey un rato pa purba un cos, pero si e no logra, nan a bay. Nos t’ey for the long run”, Eman a bisa referiendo na cu den pasado caba a mira con coalicion cu partido chikito no tin fundeshi ni tampoco compromise largo.

Aki pues el a referi na tur partido “chikito” cu tin actualmente tanto coalicion como tambe oposicion. Pa esaki a busca reaccion di partido MAS riba e asunto aki, riba cua Aquannette Gunn, parlamentario pa fraccion di MAS, a bisa cu el a tuma nota di e expresion di Eman y cu “mi ta haya e declaracionnnan principalmente for di e lider di fraccion berde, Sr. Eman, fo’i luga.” El a agrega cu na mesun momento cu Eman tabata papia di un politica cu nivel y respet, el a indica cu e partidonan chikito ta ‘fly by night’. Gunn a bisa cu no ta ‘fly by night’ y cu si ta uza un expresion asina pasobra otro partido chikito a uza un nivel baho, “e ‘fly by night’ tambe ta baho.”

Pa un relato mas amplio, lesa edicion di Trempan.com

Share on facebook
Share on Facebook
Share on whatsapp
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.