fbpx
June 30, 2022

Minister Arends: Hues a tira un “salba bida” pa Serlimar

Share on facebook
Share on Facebook
Share on whatsapp
Share on Whatsapp
0
0
Minister Arends: Hues a tira un “salba bida” pa Serlimar
Minister Arends: Hues a tira un “salba bida” pa Serlimar


Den e caso di surseance van betaling di Serlimar, a ricibi e noticia positivo cu hues a dicta pa extende e surseance, asina tirando un “salba bida” pa e compania Sui Generis.

E decision aki ta bin despues di un reunion caminda a invita tur compania cu Serlimar tin cuenta habri cu nan por a duna nan opinion, sea pro, neutral, of contra di extension di e surseance van betaling. Durante e reunion solamente 3 di e 80 creditornan – cual ta representa ~3.75% di e creditornan – a demostra nan posicion en contra. 

E resultado di e voto tabata un muestra positivo di confiansa pa e proposicionnan haci di parti di Ministerio di Naturalesa, pa cual Minister Arends a keda “cautelosamente positivo” cu huez lo uza e resultado aki como motibo pa considera e extension. 

Cu e decision di huez, Minister Arends awo por continua cu e esfuersonan pa mehora e situacion financiero di Serlimar y implementa mehoracionnan structural na e modelo comercial di e compania. Remediacion di debenan “habri” cu Serlimar tin cu e creditornan ta un prioridad, y a presenta un plan caba pa e pagonan ser haci dentro di un termino defini. 

Pa por remedia e situacion por completo y sigura un maneho di despericio efectivo di Aruba, ta necesario pa haci varios cambio structural. E decision di hues ta demostra cu a considera e proposicionnan cual Minister di Naturalesa a presenta y ta sigura cu e esfuersonan haci, y tambe e proximo pasonan, no lo ta envano

Share on facebook
Share on Facebook
Share on whatsapp
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.