ORANJESTAD – Aruba a yega na acuerdo cu Hulanda cu ta stop e recorte di salario di 5% pa trahadonan publico y semi publico entrante juli 2022. Tambe entrante 1 di januari 2023, ta elimina full e recorte di 12.6%. Asina prome minister Evelyn Wever a sigura den un mensahe televisa diabierna mainta. E mandatario a bisa cu e la wordo informa di esaki di e ministerraad na Hulanda di e decision. E decision sinembargo mester wordo concretisa ainda den e Rijks Ministerraad di dia 25 di mei proximo. Algun rato prome, secretario di estado Hulandes Alexandra van Huffelen a informa cu e ta habri riba e tema aki, pero no ainda a papia di e acuerdo, manera cu e prome minister a anuncia despues. Mes momento, cinco sindicato tabata den un conferencia di prensa riba e marcha di protesta di diamars awor, cu ta trata e.o. e recorte aki pero ta mas general tambe riba tur otro keho.
