fbpx
June 30, 2022

Tres modelo di Changan a yega Aruba

Share on facebook
Share on Facebook
Share on whatsapp
Share on Whatsapp
0
0
Tres modelo di Changan a yega Aruba
Tres modelo di Changan a yega Aruba


Awendia un y tur mester di un vehiculo pa nan por move y hibanan un punta pa otro. All-to-Car tin e vehiculo cu bo tin mester n’e miho prijs pa asina abo por tin bo vehiculo pa bo por ta movibel.

Changan ta e marca di auto cu ta subiendo mercado rond mundo, t’ey na Aruba tambe y ta obtenibel na All to Car. Pero modelonan nobo ta sigui yega y modelo pa tur gusto. Nan tin por ehempel, pick-up dobel cabina 4×2, 4×4 y turbo diesel, intercooler, un Changan Hunter. E auto aki ta obtenibel na All to Car pa solamente 49.990,- florin. 

Angel Rojas, di All to Car, a cuminsa na splica cu Changan ta un auto espacioso, cu bon motor y 4×4. E auto aki ta bin tanto den standard como tambe automatico. Tin un demanda na Aruba pa auto di marca Changan. E pick-up Hunter tabata tin un impacto grandi for di ora cu el a yega, ya cu e tin un diseño exclusivo, uno hopi elegante. Aparte di esey, e tin un motor excelente. E modelo mas nobo cu a yega ta e modelo diesel 4×4, turbo cu ta core extremadamente bon y economico. 

Pronto All to Car lo ta ricibiendo modelonan nobo, cu ta core riba gasolin, 4×4. Varios ta e clientenan cu a pidi pa e autonan aki y pronto nan lo ta yegando Aruba. Pa tur esunnan cu ta interesa, por pasa libremente na All to Car, riba L.G. Smith Boulevard, net dilanti e Toren di Aruba Ports Authority. Actualmente no ta posibel haci un testdrive. Si e cliente por bin wak e motor, wak e parti paden, un interior exclusivo y hopi elegante. E prijs ta uno hopi rasonabel. All to Car ta traha cu tur banco local. Apart di esey, e bon noticia ta cu tin banco cu tin hopi bon oferta cu interes hopi abou y awo ta e momento pa probecha di e oferta aki.

All to Car tambe tin e SUV Changan CS55, cual ta uno hopi gusta. Un auto cu su interior di cuero. Den SUV All to Car tin actualmente un rango di diferente size, un di nan ta e Changan CS55 y proximamente lo yega tambe e Unity. 

Apart di esey tin e CS15, cu ta un modelo mas economico, mas chikito.  E ta uno hopi economico den gasolin. Cu 110 florin mas o menos, por yega e tanki y por core pa casi dos siman. E CS15 aki su interior ta di cuero, e tin un dashboard digital cu touch screen, e parti patras ta hopi espacioso. 

Tambe nan tin e CS35 cu lo ta yegando pronto. Es decir, All to Car tin diferente modelo pa diferente gusto y pa diferente budget. Ta importante pa duna e cliente tur opcion. Den color, nan ta varia. Tin color shinishi, plata, blanco, cora y un oraño. Tin diferente tono di shinishi. Den e Hunter tin e color blauw cu ta uno cu ta hala hopi atencion.

Mayoria di e autonan aki ta bin cu tecnologia halto. Hopi di e featurenan ta traha riba command, manera por ehempel pa baha glas, dashboard cam y hopi mas. 

Pasa duna All to Car un bishita y pasa wak e diferente modelo di e autonan aki. Angel Rojas lo t’ey pa dunabo e miho servicio y e miho deal. 

Share on facebook
Share on Facebook
Share on whatsapp
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.