fbpx
October 01, 2022

Doble R lo ta na Aruba: Concierto bailabel na augustus

Share on Facebook
Share on Whatsapp
0
0
Doble R lo ta na Aruba: Concierto bailabel na augustus
Doble R lo ta na Aruba: Concierto bailabel na augustus


E Concierto Bailabel di Aña lo tuma luga na Entertainment Center Dakota cu un presentacion di “Doble R Puru” di Corsou hunto cu “Robert y su Solo Banda Show” y “Papito y su Nuevo Sabor”. Esaki lo ta un Fundraising di Fundacion Mi Cutisa (FMC) pa Museo Cas Tan Tin (MCTT).

FMC a cumpli 17 aña trahando riba desaroyo di arte y cultura na Aruba. Desde 2017 FMC tin bou di su encargo maneho di MCTT. Pa por cubri tur e gastonan envolvi y tambe continua cu e trabounan diario na MCTT y tur e proyecto- y actividadnan di FMC, mester crea e fondonan necesario.

Pa medio di esaki FMC ta organisa un concierto historico unda cu nos ta spera Rignald Recordino, kende pa casi 5 decada a deleita su fanaticonan di Aruba cu su musica unico di Doble R.
A combina “Doble R” hunto cu “Robert y su Solo Banda Show”, cu ta cumpli 30 aña di existencia e aña aki. Pa completa e espetaculo aki a invita Papito Rafael tambe pa recapitula tur su exitonan hunto cu “Papito y su Nuevo Sabor”. E tres musiconan aki ta nos legendarionan cu a duna un contribucion significante den desaroyo di musica Antiano di Caribe Hulandes y kendenan a percura pa mantene y traspasa nos musica di tumba, wals, dansa y salsa antiano riba tur e islanan di habla Papiamento.

Doble R lo ta na Aruba: Concierto bailabel na augustus proximo

Posted by 24ora on Wednesday, May 25, 2022

Reginald Recordino pa casi 50 aña a produci mas di 500 composicion cu nos hendenan na Aruba, Boneiro y Corsou a balia, canta y toca. Hunto nos lo bay bisa Rignald Recordino DANKI pa e esfuerso special cu el a haci pa bini Aruba pa duna duna su fannan pa bin disfruta di su musica den un concierto monumental na Aruba.

FMC a scohe pa haci un fundraising den forma di duna e pueblo di Aruba, e oportunidad pa disfruta un biaha mas di nos musica Antiano y pa bin balia na bo gusto den Entertainment Center. Entrada di pre-benta lo ta na balor di Awg 55.00 obtenibel na Museo Cas Tan Tin na Pos Abou 19. Mesa di VIP ta limita y por yama pa mas informacion y pa reserva na cel 736.0815

Share on Facebook
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.