fbpx
October 01, 2022

Barco cu a sali di Barcadera: Sobreviviente di naufragio ta conta cu ningun compañero a sali fo’i awa

Share on Facebook
Share on Whatsapp
0
0
Barco cu a sali di Barcadera: Sobreviviente di naufragio ta conta cu ningun compañero a sali fo’i awa
Barco cu a sali di Barcadera: Sobreviviente di naufragio ta conta cu ningun compañero a sali fo’i awa


Famia di e tripulantenan di e barco Arcángel Miguel, cu a naufraga dia 20 di mei ultimo na Colombia, ta pidi gobierno di Venezuela pa amplia e buskeda di e hendenan cu ta sigui perdi. Djis un ciudadano a yega tera firme pasobra a logra mantene riba un boto salbabida, pero a sigura cu no a wak ningun di su compañeronan sali di e barco despues cu esaki a zink.

Dayana Vivas, yiu muhe di e capitan Ledy Rafael Mata, a manifesta di tin e siguridad cu e biaheronan ta safe pasobra ta hendenan cu tin mas di 20 aña di experiencia den e transporte maritimo. “Nan a logra sobrevivi”, el a afirma den un entrevista.

A expresa cu ta necesario pa amplia e buskeda pa e region di Los Monjes y a haci un yamada na Nicolas Maduro. “Presidente, cada minuut ta conta. Ta seis ruman Venezolano cu tin mester di ayudo, ta necesario activa tur e recursonan pa scapa nan bida,” el a bisa.

Riba e caso aki ainda tin informacion mixto. Dimar a indica cu abordo di e barco tabatin ocho tripulante, pero pa e Instituto Nacional de Espacios Acuáticos de Venezuela tabata biaha shete persona. E armador di e barco, Giorgi Arias a bisa cu nan a sali for di waf di Barcadera na Aruba dia 20 di mei cu destino Santa Marta, Colombia.

Pa e relato completo, lesa e proximo edicion di TREMPAN

Share on Facebook
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.