fbpx
October 01, 2022

Cu curso special: A eleva siguridad na frontera

Share on Facebook
Share on Whatsapp
0
0
Cu curso special: A eleva siguridad na frontera
Cu curso special: A eleva siguridad na frontera


Diabierna merdia durante un ceremonia na John F. Kennedy Education Center a tuma luga entregamento di certificado na tur cu a cumpli cu e curso cu Koninklijke Marechaussee a brinda na empleadonan di Guarda nos Costa, Migracion Aruba y Cuerpo Policial.

Minister di Husticia y Asuntonan Social Rocco Tjon, como tambe director di Migracion Aruba Andrew Hoo, Director di Guarda nos Costa Richard Kramers, Jeannette Baars-Richardson directora scol di polis como tambe General R. Costongs kende ta comandante di Koninklijke Marechaussee a entrega e certificadonan. Segun e mandatario, ta trata aki di un opleiding sumamente importante, mirando cu ta e prome parti di e “vervolgopleidingnan” cu tambe lo bay brinda.

Esaki ta un proyecto concreto cu a sali for di e plan di accion; “versterking grens toezicht”. Na varios ocasion a bin padilanti y a splica cu tin hopi fondo disponibel, fondo pa fortifica siguridad na nos frontera y esaki sigur ta un di e cursonan cu ta duna tur e empleado pa tin e recursonan pa reconoce documento falso.

Ta importante pa tur esnan cu tin un rol importante den eleva siguridad na nos frontera haya e oportunidad pa sigui e curso aki. Diferente curso ta disponibel pa e parti di infrastructura y e parti di material, cual ta forma parti di e cursonan y e opleidingnan cu Koninklijke Marechaussee lo sigui brinda den e lunanan nos dilanti.

Share on Facebook
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.