Diabierna anochi polis a tene un control den trafico cerca di Cas Ceremonial den Maria Christinastraat. Ta e polisnan riba bais, cu ta encarga pa extra vigilancia relaciona cu e evento di Soul Beach. Mientras tabata vigila, a opta pa tene un control.
A para varios auto, cu bon resultado tambe. A reparti multa pa señal, faha di siguridad y mas. E control no a dura largo, despues di un rato a sigui pa un otro punto strategico den Playa. Ta rondo di e maneho di Iron Eagle tambe, cu ta para y controla vehiculo.
