fbpx
July 06, 2022

Laga Dios tuma control di bo bida

Share on facebook
Share on Facebook
Share on whatsapp
Share on Whatsapp
0
0
Laga Dios tuma control di bo bida
Laga Dios tuma control di bo bida


Den bida hende  kier haci tur cos, nos mes kier dirigi, controla, nos mes kier ta capitan , nos mes kier ta matros y hopi biaha nos ta lubida riba Esun cu a forma  nos den barica di nos mama.

P’esey den e buki di Jeremias capitulo 29 :11 Senor ta bisa: Pasobra Mi sa e plan nan cu Mi tin pa boso, Señor ta declara, plan nan pa pas, y no pa calamidad, pa duna boso tin  un futuro y un speransa.

Asina cu  un hende por ripara den su bida cu cos no ta bayendo bon, manera e palabra di Dios ta bisa, anto e tin di ahusta su bida na e palabra di Dios, door di invita Cristo Hesus bin biba den su curason y tuma su bida completamente over, y biba pa  Dios.

Pasobra ora nos no ta cana den boluntad di Dios,nos bida ta core peliger, y esaki nos ta mir’e diariamente, y tambe nos ta mira e consecuencia, y dolor den bida di ser humano.

Pero locual nos kier remarca un biaha mas con e enemigo ta ciega hende su bista, y blokkia nan oido cu materialismo , orugyo y arogancia pa asina nan  no laga Dios tuma control di nan bida.

AWOR DICON NOS TIN DI LAGA DIOS TUMA CONTROL DI NOS BIDA?:

1 John 1 vers 5 ta para scirbi: Y esaki ta e mensahe,cu nos a tende di dj’E y ta anuncia na boso, cu Dios ta luz y den dj’E no tin nada nada di scuridad. 

Aki nos tin di para keto un rato como mayor, y realisa cu di berdad nos tin di instrui nos yuinan den caminda di Dios, pasobra como mayor bo ta e prome yama pa evita cu bo yiu lo cana den scuridad.

2 Pedro 3:9 ta para scirbi: Señor no ta tarda cu Su promesa, manera algun tin esaki pa tardansa, ma  E tin pasenshi pa cu boso, y no kier pa ningun hende bay perdi, ma pa tur por bini na arepentimento.

Den esaki nos tur por admira y reconoce e amor cu Dios tin pa nos tur. ( Juan 3:16).

Santiago Captulo 1 vers 17 ta para scirbi: Tur bon regalo, y tur don perfecto ta bin for di ariba, y ta baha bin for di e Tata di e luznan cerca kende no tin variacion ni sombra di cambio.

Esaki ta un confirmacion mas cu nos mester laga Dios tuma control di nos bida for di Dios ta bini tur cos bon.

Salmo 116 vers 5 ta para scirbi: Señor ta yen di gracia y ta husto si nos Dios ta yen di compasion.

Cu esaki nos tin pleno confiansa cu nos ta sirbi un Dios bibo y real, kende ta cla pa bendiciona nos.

Salmo 18 vers 30 ta para scirbi: Pa loke ta Dios, Su caminda ta perfecto, e palabra di Señor ta proba: E ta un escudo, pa tur esnan cu ta tuma refugio den dj’E.

Nos por mira bon cla cu si nos ta cana cu Dios ta dificil pa nos cana den scuridad.

2 Cronicanan capitulo 16 vers 9 ta para scirbi: Pasobra wowo di Señor ta move  bay bin door di henter tera , pa E por sostene fuertemente esnan cu nan curason ta completamente di dj’E.

Señor ta para na e porta di bo curason y E ta bati, si awe bo scucha Su bos, no haci bo curason duro.

Share on facebook
Share on Facebook
Share on whatsapp
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.