WASHINGTON – Gobierno Mericano a ordena pa confisca 2 avion di biyonario Ruso Roman Abramovich, cu ta registra na Aruba, relaciona cu e guera entre Rusia y Ucraina. Asina e portal ‘Ambito’ ta raporta dialuna. Segun e portal, e departamento di comercio Mericano a confirma diabierna ultimo cu e avion Boeing 787 Dreamliner cu registro P4-BDL registra na Aruba, lo a viola control di exportacion di su pais. E avion ta e jet priva mas caro di mundo, cu un costo di 223 miyon euro, riba cual a añadi 90 miyon mas pa complace e biyonario. E avion a bula entre Suiza pa Moscu.
Recientemente parlamentarionan Hulandes a cuestiona e asunto di registro di avion di Aruba den e crisis aki, unda cu gobierno Hulandes a confirma cu Aruba ta atende cu e situacion conforme regla internacional.
