fbpx
October 01, 2022

Ley di credito nobo ta evita cu bo ta fia di mas of cu ta cobra bo interes di mas 

Share on Facebook
Share on Whatsapp
0
0
Ley di credito nobo ta evita cu bo ta fia di mas of cu ta cobra bo interes di mas 
Ley di credito nobo ta evita cu bo ta fia di mas of cu ta cobra bo interes di mas 


Diferente na e prijs di combustibel, cu ta un asunto fo’i su control, minister di asuntonan economico, mr. Geoffrey Wever ta satisfecho y orguyoso cu recientemente a logra pasa den Parlamento e ley di credito. “E ta un ley cu ta realmente den beneficio di e homber chikito, di e persona cu tin menos recurso y cu hopi biaha tin molester di overkredietering; cu ta fia aki, fia aya, cu ta cumpra un producto y mester pag’e bek na un interes halto,” e minister a comenta.

E ley ta permiti e minister di economia fiha un porcentahe maximo di interes cu entidadnan por cobra na e consumidor/cliente. E ta cubri diferente tipo di credito, manera geldkrediet: ora cu ta fia placa, goederenkrediet: ora cu ta cumpra un producto pa paga poco poco y pandlening: ora cu ta hiba un propiedad na un pawnshop pa haya prestamo a cambio. E ley ta reglamenta tambe e diferente tipo di penalidad cu sa ta inclui den un contracto di prestamo, manera late fees of prepayment penalties.

“Unda cu nos por trece cambio; y esaki ta algo cu ta den nos control, nos a zorg pa e ley bin Parlamento y e ley a wordo aproba 15 voto na fabor. Mi ta contento pa e resultado,” asina Minister Wever a expresa indicando cu Fraccion di AVP, MAS, RAIZ y MEP a vota na fabor; ta fraccion di Accion 21 so a vota contra.

Pa e relato completo cu posibel tarifa di interes, lesa e proximo edicion di TREMPAN

Share on Facebook
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.