fbpx
August 13, 2022

Bloedbank ta habri dia Mundial di Sanger cu bishita di Prome Minister

Share on facebook
Share on Facebook
Share on whatsapp
Share on Whatsapp
0
0
Bloedbank ta habri dia Mundial di Sanger cu bishita di Prome Minister 
Bloedbank ta habri dia Mundial di Sanger cu bishita di Prome Minister 


14 juni 2022 – Diamars mainta e team completo di Stichting Bloedbank Aruba tabatin e grato honor di yama bon bini na nos Prome Minister sra. Evelyn Wever-Croes. Un bishita special riba Dia Mundial di Donante di Sanger. Durante su bishita Minister Wever-Croes a haya un recorido amplio cu splicacion di cada paso cu tin cu tuma pa bira donante, e trabou di Bloedbank, y e proceso despues cu e donante duna sanger. Un proceso cu e enfoke primordial ta keda salvaguardia e calidad sdi e sanger pa e siguridad di tur pashent. Despues di a ricibi tur e informacion necesario Minister Wever-Croes a registra pa asina e cuminsa e proceso pa bira donante di sanger y tambe forma parti di e team di heroe. 

Durante e bishita di nos Prome Minister tambe a lansa un video promocional di Stichting Bloedbank Aruba cu tin como meta primordial pa motiva tur hende pa registra y bira donante.  A enfatisa durante e recorido cu actualmente tin 1500 donante pero pa e porcentahe di e poblacion di Aruba mester tin un 3000 donante. 

Sr. Vroegop di Hunta di Directiva a dirigi algun palabra special na e team di Bloedbank bisando “danki pa boso tremendo trabou 24/7 di salvaguardia e calidad y siguridad di sanger pa nos pashentnan. Por imagina con importante e ta pa tin suficiente sanger disponibel den caso cu un persona perde hopi sanger durante un accident of durante parto. Cada donante di sanger ta aporta grandemente na e cuido di cada pashent y pesey cada donante ta asina importante pa nos. Sin sanger no tin bida,”ela termina bisando.

Fabian Werleman, coordinador di Bloedbank a felicita tur donante riba nan dia y gradici nan pa semper ta cla pa duna sanger no ta importa e ora ni dia. Y alabes ta desea di stimula tur hende eyfo cu ainda no ta donante pa subi www.bloedbankaruba.aw y registra di biaha. 

Team completo di Bloedbank ta desea di gradici Prome Minister pa su bishita y alabes registracion.  Y tambe bisa danki di curason na ful e famia di donante di Aruba cu semper t’ey pa haci e aporte di mas bunita na e mundo aki cu ta duna sanger. 

Share on facebook
Share on Facebook
Share on whatsapp
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.