Diasabra marduga polis a presenta cu urgencia den cercania di Grand Ocean Supermarket na Bushiri p’un supuesto caso di atraco. Na yegada di polis a topa cu dos persona, un hende homber y un hende muhe.
A conta polis cu un rato prome, seis tipo arma a purba atraca nan. Cu machete den man y mas arma a pidi nan pa placa y tur nan pertencia, entre otro telefon y cadena. E duo no a ria y a resisti ordo di e atracadonan aki.
Nan no a logra bay cu nada, a purba ranca na man di port’i auto pero tur intento tabata invano. Polis a busca den e area pero no a topa cu e personanan aki. Atraco team y team forensico di polis tambe a presenta na sitio p’asina cuminsa cu e proceso investigativo.
