Diasabra atardi a haya oportunidad di combersa cu Endrah Richardson Gumbs, Presidente di Kiwanis San Nicolas riba nan Pop Up event tumando luga.
Na estilo di un Pop Up Store, organisa pa Kiwanis Club of San Nicolas, pa continua cu nan esfuerso pa recauda fondo. Esaki tumando luga den e ex-edificio di Cosecha na San Nicolas. Den entrevista di Richardson, el a informa cu nan lo ta habri di 10:00 am te cu 8:00 pm. E siman cu ta na caminda, tambe nan lo ta habri. E placa ricibi durante benta di e articulonan bendi, lo uza pa financia diferente proyecto pa hubentud.
Den e Pop Up Store lo tin paña pa hende homber mucha, oma y opa. Tin keds tambe sapato, slof y mucho mas pa tur hende bisti bunita pa graduacion.
