fbpx
October 01, 2022

Van Huffelen a “score” pisa na Boneiro

Share on Facebook
Share on Whatsapp
0
0
Van Huffelen a “score” pisa na Boneiro
Van Huffelen a “score” pisa na Boneiro


Secretario di Estado, Alexandra van Huffelen a cana na waf y tabatin combersacion masha ameno cu e pueblo Boneriano. El a impresiona tur hende pasobra el a move rond den un taxi di un señora Boneriana, a core tur caminda sin escolta di polis y sin bodyguard. Su forma “down to earth” a impresiona e pueblo Boneriano masha y a mustra masha comprension y a duna atencion na tur inkietud di ciudadanonan di e isla di flamingo.

“Mi a papia cu entre otro Eddy y Eddy tocante di e isla y les di landamento den lama. Piscadonan a conta mi kico por haci nan bida mas miho. Danki pa e combersacion ameno.”

Tambe el a bishita Fuhikubo. E fundacion aki ta documenta historia di Boneiro, incluso un biblioteca di Papiamentu. E forsa tras di e proyecto aki, Boi Antoin, ta haci un trabou importante. Secretario di Estado Alexandra van Huffelen: “Danki pa ‘de Kuifje’ na Papiamentu. E ta bay yuda cu mi lesnan!”

Na inicio di e siman nobo, e Secretario di Estado lo ta na Aruba tambe. Ey e tin algun afspraak caba cu varios instancia den comunidad, den un esfuerso pa por yega na un acuerdo cu Gobierno pa un finansa publico responsabel y duradero. Pa Hulanda ta cla cu nan lo sigui sostene y yuda Aruba, tanten cu nos ta yuda nos mes tambe door di baha nos gasto y aumenta entrada.

Share on Facebook
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.