fbpx
July 06, 2022

Minister Dangui Oduber a duna inicio na e “vierlanden overleg” di salud

Share on facebook
Share on Facebook
Share on whatsapp
Share on Whatsapp
0
0
Minister Dangui Oduber a duna inicio na e “vierlanden overleg” di salud
Minister Dangui Oduber a duna inicio na e “vierlanden overleg” di salud


Dialuna mainta Minister di turismo y Salud Publico Dangui Oduber a haci apertura di e di 4 edicion di e “vierlanden overleg” di salud cu ta tumando luga na Hyatt Place Airport Hotel.

Den e conferencia aki ta participa entre otro e Ministernan di Salud Publico di Curacao y Sint Maarten y tambe e Staatssecretaris van Volksgezondheid, Welzijn en Sport, Maarten van Ooijen. Den e conferencia lo bay trata diferente temanan di interes comun di Salud pa e 4 paisnan den Reino. Minister Oduber ta masha contento cu Aruba ta e organisado di e conferencia aki cu ta cuminsa di dialuna y lo termina diabierna.

Minister Oduber a menciona cu ta bay trata diferente tema di salud pero un di esun di mas importante ta e tema di e implementacion di e “International Health Regulations” caminda ta bay papia di “ship sanitation”. Esaki ta un tema hopi importante pa Aruba den cuadro di genera entrada pa pais Aruba. Un otro tema importante cu lo bay dialoga riba dje ta e preparacion pa un pandemia, esaki ta con e paisnan den Reino ta prepara pa un pandemia si en caso pasa cualkier eventualidad. Ta bay comparti conocemento y experencia di kico tur e paisnan a siña despues di 2 aña di COVID-19, kico lo por haci diferente, con Aruba ta prepara su mes.

Aruba ta bay comparti cu paisnan den Reino con ya caba nos a prepara un “Landsverodening Pandemische Paraatheid” caminda e intencion ta pa reemplasa e COVID Insurance cu e turistanan ta paga. Ta bay bin cu e tipo di impuesto di destinacion, e entradanan genera por medio di e impuesto di destinacion aki ta bay wordo inverti bek den cuido. Lo bay inverti den amplia e capacidad di nos ICU, inverti den prevencion, lo bay comparti esaki cu otro paisnan den Reino pa wak si nan tambe lo kier introduci un tipo di impuesto aki.  Di e manera aki nan tambe por genera entrada pa ta miho prepara si en caso algo pasa, nan lo tin e fondonan necesario pa inverti bek den cuido asina Minister Oduber a duna di conoce.

Otro tema cu lo trata ta e cooperacion den Reino mes ora ta trata di horcan, con e paisnan por asisti, yuda y coopera cu otro den momento di un calamidad. Minister Oduber a duna e ehempel di Sint Maarten cu hopi biaha ta e pais cu ta keda afecta pa e fenomeno aki como e ta den e area cu e horcannan ta pasa. Den pasado tanto Corsou y Aruba a sa di yuda, ban spera esaki no ta e caso pa cu futuro e mandatario ta agrega.

Minister Dangui Oduber ta gradici e team di Ministerio di Turismo y Salud Publico pa organisa e conferencia di “vierlanden overleg”. Danki na Staatssecretaris van Volksgezondheid, Welzijn en Sport di Hulanda Maarten van Ooijen, Minister di Salud Publico di Curacao y Sint Maarten y nan expertonan pa nan asistencia y participacion. Ban laga e siman aki ta uno fructifero yena cu exito, pa nos yega na e metanan nos dilanti.

Share on facebook
Share on Facebook
Share on whatsapp
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.