fbpx
July 06, 2022

Aruba y Hulanda ta yegando na otro pa kita recorte di salario

Share on facebook
Share on Facebook
Share on whatsapp
Share on Whatsapp
0
0
Aruba y Hulanda ta yegando na otro pa kita recorte di salario
Aruba y Hulanda ta yegando na otro pa kita recorte di salario


Dialuna e minister-presidentnan di Aruba, Corsou y St. Maarten hunto cu Secretario di Estado, Alexandra van Huffelen a reuni cu e sindicatonan. Despues di e reunion aki e sindicatonan a vocifera di no ta contento cu e resultado y ta sinti cu a bende nan un ‘luchtkasteel’.

Den ora di atardi e mandatarionan hunto cu Secretario di Estado a tene un rueda di prensa, unda cu minister-president mr. Evelyn Wever-Croes a expresa cu van Huffelen a informa su persona cu por cuminsa traha den kita e recorte. Pero tin algun rekisitonan y Aruba ta bay cumpli cu nan. Esey a pone cu el a bay parlamento splicando e rekisitonan ya cu dos di nan ta mishi cu nan. Despues di esey el a duna un conferencia riba e puntonan.

Segun e mandatario, Secretario di Estado a tuma contacto cu su persona diabierna despues di e reunion di Ministerraad pa informa cu el a logra convence cu su coleganan pa Aruba por cuminsa kita e recorte di salario. E mandatario sigui splica cu el a bisa esey na varios ocasion, pero e sindicatonan kier por escrito cu nan ta haya e placa. Wever-Croes a expresa di no por haci esey aworaki pa motibo cu ainda Aruba ta depende ainda prome di CFT y tin di warda kico ta bin di eynan, e di dos ta parlamento. El a duna un ehempel cu si acaso na parlamento no acepta e condicion, e ora ey tin un otro situacion. P’esey el a sigura cu Gobierno di Aruba ta haci su maximo esfuerso pa cumpli cu e rekisitonan.

Aruba ta den un situacion diferente compara Corsou y St. Maarten. E ta haya cu esaki ta e unico y caminda mas lihe pa aumenta e poder di compra di e hendenan. Esey ta e motibo cu a scoge p’e caminda aki.

Secretario di Estado a bisa cu diferente pais a bisa cu nan deseo ta pa kita e recorte di salario. Nan ta den combersacion riba e topico aki desde februari. Hulanda a expresa cu nan ta sostene esey, specialmente cu ta den un situacion cu tin inflacion den henter mundo. El a scucha e puntonan di e sindicatonan tambe. Hulanda a informa pa haci esey door di algun rekisito, pero diabierna awo nan lo trata esey den Ministerraad.

Pa mas lesa TREMPAN.COM.

Share on facebook
Share on Facebook
Share on whatsapp
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.