fbpx
July 06, 2022

Marco Berlis (MEP): Marisol no tin un plan ni solucion pa e crisis actual di nos pais!

Share on facebook
Share on Facebook
Share on whatsapp
Share on Whatsapp
0
0
Marco Berlis (MEP): Marisol no tin un plan ni solucion pa e crisis actual di nos pais!
Marco Berlis (MEP): Marisol no tin un plan ni solucion pa e crisis actual di nos pais!


MAS ta un partido cu un lider sin vision, sin un plan y sin credibilidad. Mi por a tuma nota di e expresionnan haci di lider di MAS, Marisol Lopez Tromp durante su entrevista na enfoke Juni 7, 2022, den cual mi por a scucha su politica fracasa cu cual e ta luchando cu ne.

Sigur mi lo elabora detayadamente riba esakinan pronto. Sinembargo loke mas a resalta pa mi tabata tres pregunta cu Patrick Paskel a puntr’e, pero cu nunca e la contesta. Preguntanan cu ta tuma un lider visionario cu curashi, cu amplio experencia y bon organisa pa por contesta directamente. Naturalmente e no por a contesta e preguntanan aki di Paskel, pasobra simplemente e ta un lider sin vision y sin contesta. Despues di hunga politica pa mas di 20 aña Lopez Tromp ta demostra un bes mas cu e no tin solucion concreto pa nos pais. Ta pa e motibo aki ta tempo pa pueblo conoce y compronde un poco mas e berdad di Marisol.

E prome pregunta haci na Marisol pa Paskel: Abo lo baha LNT manera Minister President Evelyn Wever Croes ta haciendo? -E no a contesta y a desvia e pregunta papiando mil y un cos menos contestando e pregunta crucial aki. E di dos pregunta haci na Marisol: Kico e lo haci pa loke ta e aumento di gasoline? -E no a contesta. Un biaha mas Marisol a duik bay otro direccion pero no a tribi pa contesta e pregunta.

Pero si e kier acusa gobierno di e aumento aki, mustrando cu e no ta biba den e realidad, pasobra aumento di gasolin ta global y ta wordo influencia door di prijs di e bari di petroleo. E di tres pregunta haci na parlamentario Marisol pa Paskel:  Si awe abo lo tabata Minister President Marisol, cual decision bo lo tuma awe pa si cumpli cu CFT? – E no a contesta. Manera custumber caba den casi tur reunion publico, el a cuminsa resumi kico e la haci of no haci ora e tabata minister pa 8 luna largo. Papia bay off menos contesta e pregunta cu a wordo haci na su persona.

Tres biaha el a wordo confronta directamente cu problemanan real di nos pais, y tur tres biaha el a desvia strategicamente pa evita pa contesta un pregunta riba cual e no tin respuesta. Den otro palabra Marisol no tin vision, no tin respuesta y no sa kico pa haci cu e problemanan di Pais Aruba. Ta tristo pa wak con un persona cu tin mas di binti aña den politica ainda no por brinda pais Aruba solucionnan.

Patrick Paskel na Marisol: Con a para cu e spiritonan? Unda nan a bai? Marisol porta a wak un spirito ora Paskel a confronte cu preguntanan alcaso. El a spanta tanto di su preguntanan cu e no a contesta niun. Marisol awor ta trata di, come lubida, cu e ministerio aki di Infrastructura a cay bao di POR di 2017-2021. Awor ta pretende di tira esaki riba MEP mientras cu nada di esakinan a sucede bou di e bandera geel pero bou cartera di Marisol. El a cuminsa grita solamente ora el a haya mocion di desconfiansa di su propio partido. E realidad crudo ta cu bo partido a core cu bo legalmente. Marisol, no lubida cu tambe tin un investigacion grandi contra bo persona y e nomber ta Kukwisa!

Si pueblo desea mas informacion di e articulo aki, contact mi na tel: 528-4639 of email mi na: [email protected] / Bo parlamentario y sirbidor di pueblo na bo ordo semper!

Share on facebook
Share on Facebook
Share on whatsapp
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.