fbpx
July 06, 2022

Hospitalnan den Caribe Hulandes cla pa traha mas hunto

Share on facebook
Share on Facebook
Share on whatsapp
Share on Whatsapp
0
0
Dutch Caribbean Health Alliance trahando riba acuerdonan di cooperacion
Dutch Caribbean Health Alliance trahando riba acuerdonan di cooperacion


Riba dia 21 y 22 di juni directornan di hospitalnan di Caribe Hulandes a bishita Horacio Oduber Hospital. Den cuadro di e cooperacion den region a combersa mas di cerca tocante e importancia pa loke ta formacion di dokter y enfermeranan specialisa, acomodacion durante calamidad y reduci e cantidad di transferencia di pashent pa paisnan pafo di Reino Hulandes.

Dr. Horacio E. Oduber Hospital ya ta cumpli un funcion importante pa pashent di Boneiro, pero durante e olanan di Covid tambe a acomoda pashentnan di Corsou y despues di e horcan Irma tambe a trata hopi pashent di Sint Maarten. Tambe e otro hospitalnan den region a duna nan aporte y sosten pa e islanan rond di nan.

Dos aña pasa a surgi e idea pa inicia un aliansa formal di hospitalnan pa actua miho den e cuido regular. Durante e siguiente dianan lo efectua e instalacion formal di “Dutch Caribbean Hospital Alliance”.

Director di HOH, drs. Jacco Vroegop: “Esaki ta un paso importante di e continuacion di colaboracion pa un mehoracion di cuido pe habitantenan di nos islanan. Importante ta cu e autonomia di e hospitalnan y cuido riba cada isla lo sigui wordo salvaguardia. Cuido pa nos habitantenan y oportunidadnan pa nos empleadonan lo wordo reforsa y mehora, principalmente door di comparti den conocimento, compra y retonan di personal. Baha gasto conhunto lo conduci na inversionnan pa nos habitantenan. Ademas, educacion y condicionnan atractivo pa un bon ambiente laboral y personal experto di educacion cualitativo.”

Despues di e bishita y combersacionnan tur director a sigui na mesa cu e gobiernonan y seguronan di cuido di e islanan, incluso Hulanda. Diabierna awo esaki lo conduci na proyectonan cla pa ehecuta, sosten y acuerdonan di fondo y personal door di e ministernan encarga cu cuido na Aruba, Corsou, Sint Maarten y e secretario di estado di Salud, Bienestar y Deporte pa Boneiro, Saba y Sint Eustatius.

Directornan di e hospitalnan a duna di conoce di ta impresiona di e posibilidad y facilidadnan di HOH. Aruba tin un hospital cu su poblacion por ta orguyoso di dje.

Share on facebook
Share on Facebook
Share on whatsapp
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.