fbpx
July 06, 2022

Fundraising di GLW Foundation ta pa yuda mucha

Share on facebook
Share on Facebook
Share on whatsapp
Share on Whatsapp
0
0
Fundraising di GLW Foundation ta pa yuda mucha
Fundraising di GLW Foundation ta pa yuda mucha


GLW Foundation ta bay organisa un fundraising otro siman fin di siman pa un mucha di seis aña. E evento aki ta pa yuda Angelaine Fingal, kende tin e cancer di sanger leukemia.

George Winterdaal, presidente di Miss Teen Aruba International y GLW Foundation, a splica desde a funda e fundacion, a crea un concepto mas cu un certamen di beyesa. Durante e ultimo añanan nan a haci hopi proyecto social y ta sigui haci esey cu amor y cariño.

Como cu semper Winterdaal tin mucha na su curason, el a percura cu ora di haci algo pa comunidad ta mas tanto pa yuda mucha. Desde Mundo Infantil nan a cuminsa cu e proyecto “Un man pa nos ruman” den december, di cual ta traha 50 paki pa muchanan cu ta den necesidad pa pasa Pasco. Tambe nan a crea e concepto Cupcake di Speransa den luna di februari, di cual a entrega hopi donacion na mucha y instancia.

Fundraising pa Angelaine Fingal cu ta den bataya pa su salud

Fundraising pa Angelaine Fingal cu ta den bataya pa su salud

Posted by 24ora on Wednesday, June 22, 2022

Ya caba nan a haci e Cupcake di Speransa y asina Janelle a haya su rolstoel. Awo ta bay sigui su proceso di recuperacion. Winterdaal a splica cu nan a haya peticion di familiar di Angelaine Fingal con pa yuda nan. E team di GLW Foundation a sinta hunto pa mira kico nan ta bay haci. A dicidi cu ta bay subi caya cu e muchanan di miss teen pa haci un collect y ta combin’e c’un evento cu ta tuma luga dia 3 di juli. E collect ta tuma dos dia, esta diasabra y diadomingo, cuminsando pa 10:00 di mainta te 6:00 di atardi. E muchanan di miss teen lo ta bisti cu nan sherf y uniforma riba caminda. Comunidad por pasa y yuda cu sea un florin of dies florin, pero tur ta yuda cu e causa di Angelaine.

Siegfried Fingal, tata di Angelaine Fingal, a indica cu nan a haya sa bek di e leukemia y den menos cu dos dia a mand’e Utrecht. E ta un situacion fastioso y e mucha tin cuater pa cinco luna eybou. Awe e mucha a haya su ultimo kimico di e fase cu e ta. E procedura no ta facil ya cu nan ta bay dia pa dia.

Fingal a invita comunidad di Aruba pa otro siman yega y kier yuda na un manera of otro. Desde awe caba e ta gradici tur persona cu por yuda.

Pa mas lesa TREMPAN.COM.

Share on facebook
Share on Facebook
Share on whatsapp
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.