fbpx
July 06, 2022

Minister Dangui Oduber a ricibi buki riba ley di humamento

Share on facebook
Share on Facebook
Share on whatsapp
Share on Whatsapp
0
0
Minister Dangui Oduber a ricibi buki riba ley di humamento
Minister Dangui Oduber a ricibi buki riba ley di humamento


Awe mainta Minister di Turismo y Salud, Dangui Oduber a ricibi e conocido abogado, mr. Lincoln (Dello) Gomez na Cocolishi. Aki e abogado y alabes autor a haci entrega di su publicacion mas recien y su prome riba tereno di salubridad publico. E buki ta na idioma Ingles y ta carga e titulo: The Legal Guide to the Smoking Laws in Aruba.

E buki ta un guia riba e ley di restriccion di producto di tabaco y tur otro producto deriva di esey. E ultimo aki a drenta na vigor dia 2 di mei 2022. 

Por remarca cu, ademas cu Minister Oduber a introduci e ley, tambe el a contribui cu un ‘voorwoord’ den e buki. Den e guia mes Gomez ta duna un splicacion detaya y practico di cada faceta di e ley. E buki tambe ta contene e textonan completo di e ley, tanto na Hulandes y un traducion na Ingles. Den ambos, cada articulo ta bin cu su trefwoord.

E  buki ta disponibel online riba e pagina nobo di Gomez www.AboutTheLaws.com. Riba e pagina aki por cumpra e buki den un forma inovativo pagando online of via banco y tin e posibilidad di delivery tambe.

Den un relato di prensa Minister Oduber a gradici e abogado/autor pa su contribucion riba e tereno aki, pa yuda conscientisa comunidad riba e tema y e ley nobo aki. Por contact Gomez via su pagina di FB of esun di Gomez Coffie.

Share on facebook
Share on Facebook
Share on whatsapp
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.