fbpx
July 06, 2022

Minister di husticia a haci apertura di e conferencia di ASIS

Share on facebook
Share on Facebook
Share on whatsapp
Share on Whatsapp
0
0
Minister di husticia a haci apertura di e conferencia di ASIS
Minister di husticia a haci apertura di e conferencia di ASIS


Siman tras di lomba a tuma luga e conferencia internacional di caliber halto, organisa pa ASIS riba area di siguridad. Diferente orado manera entre otro hefe global di Facebook su security, tambe orado di FBI, ES Corporations y Force Protection di Defensa Mericano, a hiba palabra y haci nan presentacion dilanti un sala cu tabata sold out.

Minister di Husticia, Rocco Tjon tambe tabata presente y a habri e conferencia aki. Den entrevista el a duna di conoce cu e tipo di conferencia aki ta di sumo importancia caminda diferente partner di tur sector, tanto priva como publico, ta yega hunto. Den su bista esaki ta e caminda cu mester bay mirando e retonan pa por combati criminalidad ta bira mas y mas grandi y ta keda evoluciona constantemente. P’esey mes e tipo di cooperacionnan aki ta importante.

Ambos sector tin su profesionalnan cu por comparti informacion cu otro y asina traha miho cu otro tambe, pa asina combati diferente fenomeno di criminalidad particularmente locual ta trata cybercrime como crimen financiero. Minister Tjon a felicita e iniciativa aki cu ta uno importante pa pais Aruba.

Pa locual ta trata e speakernan, nan a comparti informacion, conocemento y experiencia valioso como tambe brinda e oportunidad pa haci pregunta y forma netwerk cu otro. E taya di orado un biaha mas cu a forma parti di e conferencia aki tabata excepcional, cual na mes momento ta eleva nomber di Aruba y nos region.

Un di e invitadonan pa e conferencia aki tabata Jamie Sanderson Reid cu ta director of cyber, governance na ES Corporations y a comparti cu nos con sorprendi el a keda di mira un sala yen di profesional riba diferente sector yega hunto pa comparti idea, pensamento fresco y riba futuo pa asina brinda proteccion fisico, di informacion pero principalmente nos hendenan. Reid tabata inmensamente agradeci pa e oportunidad di por a comparti cu tur presente con pa mehora e siguridad, particularmente riba e aspecto sibernetico.

Cyber security ta un di e temanan cu a acapara basta atencion. E la cambia e panorama di siguridad  por completo. Aruba y otro pais chikito na mundo a bira victima / target na varios ocacion di atake cibernetico, entre otro riba instancia gubernamental, semi-gubernamebtal pero tambe riba empresa priva cu ta birando victima di atake cibernetico.

Share on facebook
Share on Facebook
Share on whatsapp
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.