fbpx
July 06, 2022

Minister Rocco Tjon: Hulanda a traspasa cinco bus di detenido pa Aruba

Share on facebook
Share on Facebook
Share on whatsapp
Share on Whatsapp
0
0
Minister Rocco Tjon: Hulanda a traspasa cinco bus di detenido pa Aruba
Minister Rocco Tjon: Hulanda a traspasa cinco bus di detenido pa Aruba


Recientemente, Minister di Husticia y Asuntonan Social Rocco Tjon, a bishita oficina di Cuerpo Especial Arubano (CEA) pa asina haya un bista di e cinco transportwagen cu a yega na e localidad, directamente for di Hulanda. A base di un convenio cu tin existente pa basta aña caba entre Aruba y Hulanda, autonan na Hulanda cu ta den bon estado ta wordo traspasa pa Aruba.

Den e caso aki, a traspasa cinco transportwagens pa e departamento di CEA, specificamente e unidad di transporte, pa asina nan por haci nan trabou debidamente. Durante e bishita aki minister Tjon a haya un splicacion amplio di e personal di CEA di e transportwagens aki. Ta trata di transportwagen di bon calidad, den e caso aki, Mercedez Benz, cual ta completamente ekipa cu e ultimo den tecnologia y camara paden pa e parti di siguridad, pa e preso transporta como tambe e personal. E mandatario a expresa di ta contento cu e parti aki a keda finalisa y durante su combersacion cu e director di CEA esta Ronny Geerman, a keda conclui cu e ta importante pa yega na un plan structural, caminda e autonan lo bay wordo reemplasa cu autonan nobo na tempo.

Combersacionnan cu Hulanda ta andando pa por yega na un “vervangingsplan” asina dentro di poco. Na final di dia ta trata di inversion cu ta importante pa e personal, pa asina nan por haci nan trabou mucho mas miho. Banda di esaki, manera ya a indica for di inicio, e prioridad di e maneho di Ministerio di Husticia y Asuntonan Social ta pa inverti den e personal y percura pa nan tin e materialnan necesario pa nan por haci nan trabou debidamente y na un manera hopi mas sigur.

Share on facebook
Share on Facebook
Share on whatsapp
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.