fbpx
July 06, 2022

Reunion cu caracter di urgencia: Accion di protesta na Arubus

Share on facebook
Share on Facebook
Share on whatsapp
Share on Whatsapp
0
0
Reunion cu caracter di urgencia: Accion di protesta na Arubus
Reunion cu caracter di urgencia: Accion di protesta na Arubus


Diaranson mainta chauffeur di Arubus NV Aruba a reuni cu caracter di urgencia cu nan sindicato SEPPA na e oficina principal na Sabana Blanco pa asina mustra nan malcontento cu gerencia. E trahadonan a cansa y nan kier pa regla tur loke nan ta pidiendo manera e structura salarial.

Edmundo Marlin, secretario di organisacion SEPPA, a splica cu un biaha mas gerencia a cancela e reunion cu mester a tuma luga awe entre mediador di gobierno cu e sindicato dje trahadonan y director. Durante e reunion aki nan mester a discuti na mesa e asuntonan personal di Arubus. Pa esaki SEPPA a yama un reunion urgente cu e trahadonan pa splica nan kico ta pasando, y di eynan lo dicidi ki paso ta bay tuma. E trahadonan ta disgusta.

Arubus den welga

Arubus den welga

Posted by 24ora on Wednesday, June 22, 2022

E motibo cu nan ta malcontento ta cu e asuntonan di e trahadonan no ta keda cla y e director ta sigui rek pa no reuni. Un di e asuntonan cu nan kier mira pa drecha ta e asunto salarial. Ki ora cu planea pa un reunion, e director ta busca un motibo pa cancela esaki.

Pa e motibo aki riba e facebook di Arubus NV Aruba, gerencia a informa comunidad di interupcion riba diferente ruta. Gerencia di Arubus NV ta haya cu ta nan deber di informa comunidad cu nan servicio di transporte por sufri retraso y/of interupcion. Gerencia ta pidi nan disculpa pa cualkier inconveniencia cu e usuarionan.

Pa mas lesa TREMPAN.COM.

Share on facebook
Share on Facebook
Share on whatsapp
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.