fbpx
July 06, 2022

Un bon mentor nunca lo limita su alumno

Share on facebook
Share on Facebook
Share on whatsapp
Share on Whatsapp
0
0
Un bon mentor nunca lo limita su alumno
Un bon mentor nunca lo limita su alumno


Mayor ta un mentor pa semper y su deber ta siña y disiplina su yiu den e bon caminda, pa asina ora e ta grandi e permanece  den e bon caminda, pasobra riba e caminda di bida tin hopi obstaculo y cu for di tempran e muchanan mester ta prepara.

Nunca keda sin comparti cu bo yiu bo propio experiencia di bida, pone tur otro buki un banda y comparti esun cu bo mes a experiencia, aunke e por tabata scur y no laga ningun hende bin conta bo yiu ken su mayor tabata, pero sinta cune y conte e berdad, no ta importa cu bo tabata den baho mundo, ni tampoco prostitucion, pero usa bo experiencia como guia pa evita cu bo yiu ta  cana den caminda robes.

David a bisa Salomon su yiu den 1 Cronicanan 28 vers 9 :Pa loke ta abo mi yiu Salomon, conoce e Dios di bo tata, y sirbie cu henter bo curazon,y cu un alma boluntario,pasobra Señor ta scrudiña tur curazon y ta compronde tur intencion di pensamento. Si bo busc’E, E lo lagabo hañ’E, mas si bo bandon’E, E lo rechasabo pa semper.

David a yega di comete pica grandi, pero e a arepenti, y Dios a pordone, y awor e ta comparti su experiencia di bida cu Salomon, pa asina Salomon por compromde ken Dios ta, y nos tur por nota con Salomon ta aserca Dios pidi  sabiduria, y ricibi sabiduria(2 Cronicanan 1:7-12).

Mas tempo nos tuma den guia bo yiu den caminda di Dios ta ganashi solamente nos  tin awe, y goso mayan cu Dios kier.

Semper encurasha bo yiu pa bay dilanti den tur cos positivo, y no limita su crecemento , pero tambe siña bo yiu con aparta for di maldad y no hacie wega cu maldad.

Proverbionan capitulo 13 vers 20 ta bisa: Esun cu ta anda cu hende sabi lo ta sabi,ma un compañero di hende bobo lo sufri daño.

Duna instruccion na un hende sabi y e lo bira mas sabi ainda,siña un hende husto, y e lo crece den siñansa .( Proverbionan 9:9)

Siña  bo yiu cu ora e kier ricibi elogio e mester wordo purba, cu tur cos decentemente ricibi den bida ta exigi sacrificio, tin un preis pa paga, y cu tur cos haña facil ta bay facil, tur esaki ta pa e mantene su integridad y evita tur tipo di inmoralidad den su bida.

Purba di haci miho tur dia, y caminda bo por faya, pidi depensa, y si mester pidi pordon tambe hacie , pasobra awe bo por baha y mañan cu Dios kier bo ta subi bek, pasobra semper e humildenan lo gana e bataya.

Nos mester tin e actitud di Cristo (Filipensenan capitulo 2 ver 5-11) y nos mester ta imitadornan di Dios (Efesionan capitulo 5 :1-7)

Un hoben no mester laga ningun hende menosprecia su hubentud: Ma mas bien den palabra , conducta, amor ,fe y puresa demostra bo mes di ta un ehempel pa esnan cu ta kere.(1 Timoteo 4:12)

Pa falta di conseho plannan ta fracasa, ma cu hopi consehero nan lo wordo logra ( Proverbionan 15:22), siña bo yiu cu semper bo porta ta habri pa conseho, y no pa discucion, sino pa solucion.

No laga bo emocion, rabia y orguyo interveni den relacion di abo y bo yiu, mas consulta Dios como mayor y pidi  sabiduria pa guia bo famia.( Lucas 15 vers 20-27). Nos tur tin mester di Dios. Pastor Marcel Balootje.

Share on facebook
Share on Facebook
Share on whatsapp
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.