Diahuebs anochi a sosode un accidente basta pisa entre un brommer y un van den e bario di Shiribana. Aki ta caminda cu un motociclista a resulta herida te cu mester e hib’e hospital cu urgencia.
Tabata mas o menos 8:20 pm ora cu polis y ambulance mester a atende cu un accidente riba e caminda di Shiribana. Kico a causa e accidente aki no ta conoci. Tabatin basta daño material, e van a haya basta sla na su banda drechi. Polis a cera ambos banda di e caminda pa asina investiga exactamente ta kico a sosode. BFTO a presenta na sitio pa haci nan investigacion.
Un rato despues, pa mas o menos 8:45 pm, mientras cu polis tabata atende e accidente, nan mester a atende cu ruman di e motoclista pa motibo cu el a bira agresivo. E kier a golpia e chauffeur di e van.
Polis a atende cu ne y a deten’e. Den transporte policial a hib’e ward’i polis.
