fbpx
October 01, 2022

Fiscal a pidi hues pa condena Toro cu ta importa oro

Share on Facebook
Share on Whatsapp
0
0
Fiscal a pidi hues pa condena Toro cu ta importa oro
Fiscal a pidi hues pa condena Toro cu ta importa oro


Awe mainta fiscal a pidi pa declara e dos acusadonan den caso bara di oro culpabel. Hues no a tuma un decision ainda. Rafael Zambrano, koerier y Juan Carlos Toro Rodriguez, logistica, ta e dos acusadonan. Ta acusa nan di falsificacion di documento y labamento di placa.

Falsificacion pa motibo cu no a entrega documentonan di Duana di Venezuela. Y falsificacion pa motibo cu riba e formulario di Duana di Aruba ta para cu e oro ta bini for di aki mes. Ministerio Publico ta haya cu mester a skirbi Venezuela en bes di Aruba, pues a esaki e ta conclui cu a falsifica y a laba placa door di saca bara di oro di Venezuela sin aprobacion di Banco Central.

Fiscal a pidi hues pa condena Zambrano na un castigo igual cu loke el a pasa den detencion preventivo caba. Di otro banda, a pidi hues un castigo di 12 luna di prizon di cual 6 luna ta condicional y 2 aña di prueba pa Toro Rodriguez. Esey kiermen cu no mester bay cera mas, pasobra normalmente ora castiga menos di un aña, no ta bay KIA mas.

Abogadonan Pepi Sulvaraon di Corsou hunto cu Peter Mohamed yegando sala di Corte hunto cu e acusado Toro Rodriguez.

Acusadonan y defensa a bisa cu nan tin 8 aña haciendo e procedura aki. Tambe cu despues di nan caso, a sigui cu e mesun procedura aki y Duana a tuma nan placa y a procesa e oro manera nad’un pasa. Si e tabata ilegal, dicon no a stop cu e negoshi aki anto?

Dia 14 di juli pa 10:00 am lo dicta sentencia.

Pa un relato mas amplio, lesa TREMPAN.

Share on Facebook
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.