fbpx
October 01, 2022

Den ley di LNT: Calculacion di salario di minister-president ta robes

Share on Facebook
Share on Whatsapp
0
0
Den ley di LNT: Calculacion di salario di minister-president ta robes
Den ley di LNT: Calculacion di salario di minister-president ta robes


Segun APFA, e ley pa regla e normanan di e salarionan di ehecutivo nan mas halto di empresanan estatal y instancianan publico y semi-publico, ta basa riba un calculacion di forma arbitrario. Compara e salarionan di e ehecutivonan halto cu e salario di minister-president manera cu e ley ta presenta ta un comparacion eroneo y ta manera compara appel cu peer.

Segun APFA, no ta compara e salario di ehecutivonan mas halto den empresanan estatal y instancianan publico y semi-publico hunto cu e salario di minister president incluyendo e contribucion real na su pension. E componentenan cu e salario anual di minister-president ta basa riba dj’e, no ta comparabel cu e componentenan di e salario anual di un ehecutivo halto den sector publico y semi-publico, of cualkier otro empleado di sector priva cu un plan di pensioen te cu su 65 aña.

Loke cu APFA ta bisa cu pa bo por compara ambos salario, bo mester haci un calculacion hipotetico caminda cu 70% di e averahe di su entrada no ta basa riba un periodo di 8 aña, sino haciendo como si fuera cu e mandatario ta keda contribui te ora cu e cumpli su edad di pensioen. En realidad, segun APFA, e ora ey salario di minister-president mester ta Afl 410,170 pa aña pa bo por compar’e cu e salarionan anual di ehecutivo nan mas halto di empresanan estatal y instancianan publico y semi-publico.

E salario di minister-presidente ta mas o menos Afl 153,000 pa aña. Esaki ta basa riba un salario di Afl. 15,010 mensualmente mas un luna di vakantiuitkering mas un toelage di 7% y 4% di autotoelage. Land Aruba ta contribui cu Afl 30,000 pa aña na e fondo di pensioen, cu ta ekivalente na Afl 2,300 pa luna. Segun APFA, e contribucion pa mantene a pensioen aki no ta Afl 30,000 pa aña manera cu e ley ta indica, sino Afl 145,000. Esaki ta nifica cu tin un contribucion adicional di ma cu Afl 11,000 pa luna riba e componentenan di e salario di minister-president.

Aworaki e ley ta papia di un salario normativo di 130% di salario di minister-president cu ta ekivalente na Afl 261,000 pa aña. Esaki ta nifica cu pa por compara e salario di minister-president cu e salarionan di ehecutivo nan mas halto di empresanan estatal y instancianan publico y semi-publico mester tuma un salario di Afl 410,170 anualmente.

Pa un relato amplio riba e tema aki, subi Trempan

Share on Facebook
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.