fbpx
October 01, 2022

Famia y amigo kier organisa un parada di despedida pa Antoni Gario 

Share on Facebook
Share on Whatsapp
0
0
Famia y amigo kier organisa un parada di despedida pa Antoni Gario 
Famia y amigo kier organisa un parada di despedida pa Antoni Gario 


Famia, fanatico y amigo di Wilfred Antoni Giovanny Gario ta planea un parada carnavalesco como despedida. Manera ta conoci Dia di Tata, e conocido cantante y compositor, a pone fin na su bida den cel na ward’i polis di Noord na Shaba. Esaki despues cu e tabatin dos dia deteni pa sospecho di a tene relacion cu su propio yiu tempo e tabata menor di edad.

Dia 17 di juni a detene e actual “Soca Monarch” na su cas situa den Orinocostraat pa un acusacion cu ta andando desde 2019 caba. E tempo ey, su yiu muhe, tabata bou di 16 aña y a entrega un keho contra su tata. Varios fuente ta ta sigura cu e investigacion tabata uno riguroso y extenso.  

ANTONI GARIO

Antoni Gario ta naci dia 7 di juli 1969 y  ta un musico prominente di nos isla cu ta bin for di San Nicolas. E ta lider di e banda musical Le Groove y ta dirigi tambe un grupo di Carnaval yama Pink 4 Life. Un di su ultimo triunfonan tabata como Soca Monarch, dia 2 februari 2020 Minister mr. Xiomara Maduro a coron’e. E aña ey el a gana  e titulo maximo di “Soca Monarch” cu su cancion “Cucu Soup”. De facto, e ta e ultimo “Soca Monarch” nos isla, pasobra despues di esey no tabatin festival di calypso y soca mas debi na pandemia. Na 2001 el a haci su debut den e mundo di politica riba e lista di Partido Patriotico di Aruba (PPA) y el a haya confiansa di 130 votado. Gario tabata number 20 riba e lista.  Ultimo tempo por a mir’e riba Facebook ta bende Organic Immune Booster, pero tambe por a mir’e den programacion di radio di MAS 105.1 FM di Norben Euripedes Antonio Giel.  Durante su bida musical Antoni Gario a ricibi varios premio, reconocemento y nominacion, un di nan tabata aña pasa ora cu “E Wiri di Oro”  a nomin’e pa e “Best Soca Song”. 

DESPEDIDA

Tin entendi cu famia, fanatico y conoci di Antoni Gario tin planea pa organisa un parada carnavalesco riba su fecha natal cu ta 7 di juli proximo. A pidi vergunning caba pa organisa e parada aki cu lo tin e ruta di Joe Laveist te cu Joe Laveist, pues e ruta di e parada di San Nicolas. Varios fuente ta sigura cu mando policial no ta mucho na fabor di e parada aki, kisas despues di a mira e division cu e morto di Gario a crea den comunidad. 

Pa un relato mas amplio, lesa TREMPAN.

Share on Facebook
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.