Dialuna atardi Monica Pimentel di Impact Taekwondo a biaha pa Costa Rica hunto cu dos atleta cadet di su scol pa participa den e Pan Am Series II. Ta trata di Anabella Fernandez y Kianna Krosendijk, kende a prepara den e proyecto piloto di Aruba Taekwondo Bond bou guia di Monica Pimentel y Stuart Smit.
Nan ta bay participa den nan prome evento internacional pa aña 2022. Anabella Fernandez ta bay bringa den peso di -55 kilo, mientras cu Kianna Krosendijk ta bay bringa den peso di -59 kilo. Mayornan a bay aeropuerto pa desea nan yiunan exito na Costa Rica. ARTBO ta felicita Monica Pimentel pa a logra di bay cu dos atleta cu lo representa Aruba na Costa Rica den e Pan Am Series II.
