Diaranson pa 12’or marduga Boneiro ta manda un boletin di tempo y un advertencia na vigor.
Mensahe di KNMI
Boletin di siklon tropikal NR. 6
Mensahe NR. 3
Fecha: djamars 28 di yüni 2022 Ora: 23:08 ora lokal
Mensahe klave / Atvertensia na vigor i vigilansia
o Un atvertensia pa tormenta tropikal ta keda na vigor pa Boneiru pa Potensial Siklon Tropikal 2
o Segun pronóstiko e potensial tormenta tropikal ta pasa alrededor di 35 mi (55 km) sùit di Boneiru riba djárason 29 di yüni pa 17:00 ‘or ora lokal (AST).
o Ta spera inisio di bientu ku forsa di tormenta tropikal di 65-75 km/o riba djárason lat den atardi òf trempan den oranan di anochi, anochi lat riba djárason rápidamente bientu lo baha i ta mas leve.
o Spesialmente den área kaminda tin áwaseru, ráfaga di bientu fuerte di 75-100 km/o ta posibel.
o Ta spera un kantidat total di 75-125mm (3-5 inch) di yobida fuerte òf tormenta for di djárason den oranan lat di mainta te den oranan di djárason anochi.
_____________________________________________________________________________
Efekto riba kondishonnan lokal
Bientu
Bientu lo bira di direkshon ost pa nort ost durante djárason mainta. Na final di mèrdia riba djárason bientu lo bolbe bini di direkshon ost i lo oumentá te 55-65 km/o, i anochi di 65-75 km/o. Spesialmente den área kaminda tin áwaseru, ráfaga di bientu fuerte di 75-100 km/o ta posibel. Durante anochi di djárason e bientu lo baha rápidamente.
Laman
Ta spera laman brutu riba djárason atardi lat, por spera ku olanan por subi te ku 3-4 meter (10-13 pia), inkluyendo 1,0-1,5 m (3-5 pia) di sobrá ola for di direkshon nort ost, i lo baha bèk lentamente na 1,5-2,5 m (5-8 pia) djaweps mainta.
Áwaseru
Por spera yobida fuerte i tormenta for di djárason mainta te djárason anochi i direpente por okashoná inundashon lokal. Ta spera un kantidat total di 75-125mm (3-5 inch).
Ta konsehá outoridat lokal i residente di Boneiru pa sigui monitoreá futuro progreso di e sistema di wer i pa tuma tur prekoushon nesesario pa salbaguardiá bida i propiedat. ______________________________________________________________________
E sentro su último posishon i pronóstiko
Te ku djadumingu 3 di yüli 2’or di mèrdia (AST), e posishon mas serka ta pronostiká na:
Djárason 29 di yüni 5’or di atardi (AST) 11.7N 68.3W Tormenta Tropikal 35 mi (56 km) S di Boneiru
Djamars 28 di yüni 11’or di anochi 10.9N 62.8W Tormenta Tropikal 611 mi (983 km) ESE di Boneiru
Djárason 29 di yüni 8’or di mainta 11.3N 65.5W Tormenta Tropikal 196 mi (316 km) ESE di Boneiru
Djárason 29 di yüni 8’or di anochi 11.8N 69.2W Tormenta Tropikal 69 mi (111 km) WSW di Boneiru
Djaweps 30 di yüni 8’or di mainta 12.3N 72.9W Tormenta Tropikal 314 mi (505 km) W di Boneiru
Definishonnan
ATVERTENSIA PA TORMENTA TROPIKAL: Un atvertensia pa kondishonnan di tormenta tropikal, inkluyendo bientu sostené dentro di e rango di 63-117 km/o (39-73 mph) (34-63) nudo ta posibel den un region spesífiko dentro di 36 ora òf ménos.
Siguiente boletin: Djarason 28 di yüni 2022, 05:08 di mainta ora lokal
