fbpx
August 15, 2022

Darlaine Guedez-Erasmus (MEP): Mi ta scoge pa pone prioridad na e trahadonan cu mester nan 5% bek

Share on facebook
Share on Facebook
Share on whatsapp
Share on Whatsapp
0
0
Darlaine Guedez-Erasmus (MEP): Mi ta scoge pa pone prioridad na e trahadonan cu mester nan 5% bek
Darlaine Guedez-Erasmus (MEP): Mi ta scoge pa pone prioridad na e trahadonan cu mester nan 5% bek


E ley normacion di salario di topfunctionaris (LNT) ta pa coregi e salarionan sumamente halto, pa trece un balansa y nivelacion den salario. Den e reunion publico di dia 27 y 28 di juni 2022, parlamento a trata e ley cu ta trata normacion di salario di topfunctionaris, esta e salario di e.o., director y algun manager den sector publico y semi-publico. E ley ta pa coregi e desaroyonan salarial desproporcional. 

Pa hopi aña a hiba discusion riba e structura salarial di nos companianan estatal, di contract lucrativo y despropocional, handshake miyonario, bonus exagera y cubrimento di gasto personal. Salario cu no ta hustificabel ni realistico y cu den un cierto situacion a crece te den un suma manera 695.000 florin pa aña cual ta casi 58.000 florin pa luna. Awo cu a aproba e LNT, a crea un norma maximo pa e salario di topfunctionaris di nos entidad publico y semi-publico. Asina tambe ta regula e salarionan haltisimo.

Mientrastanto introduccion di e ley aki a bira un condicion tambe cu Gobierno mester cumpli cu ne pa por duna e 5% di salario bek na sector publico y semi-publico na juli 2022. Caminda mi ta haya ta husto tambe pa nan cuminsa haya parti di nan salario cu nan a entrega pa ta solidario cu e pueblo. Como Parlamentario, nos ta e representante di pueblo y mester mira e prioridad na e momentonan aki. Di cual ta e trahadonan balente cu a colabora pa yuda pais Aruba den e momento cu mas Aruba tabata tin mester.

Share on facebook
Share on Facebook
Share on whatsapp
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.