fbpx
August 13, 2022

DOW: Cooperacion ta esencial den caso di inundacion

Share on facebook
Share on Facebook
Share on whatsapp
Share on Whatsapp
0
0
DOW: Cooperacion ta esencial den caso di inundacion
DOW: Cooperacion ta esencial den caso di inundacion


Durante e ultimo añanan, Aruba a conoce un aumento drastico di construccion. Hopi esakinan a haci cu a tapa e rooinan, e pasada di awa manera nos grandinan tabata bisa. 

Por corda cu na varios ocasion, ora di awasero duro, cuanto luganan ta yena cu awa, sea door di construccion legal of ilegal. 

Esaki sigur ta trece su consecuencia cu ne. Awa ta keda para y esaki sigur ta trece molester. Tambe ta haya situacion unda cu no tin caminda pa fluho di awa sigui bay, vooral den cura. Por ehempel, den un cura di cas, unda cu lo mester habri un buraco pa laga e awa sigui su caminda. 

Pero sa pasa cu un di e bisiñanan no ta di acuerdo pa esaki pasa, cual ta haci cu e awa ta keda para. 

Riba esaki, ing. Marlon Croes, director di DOW, a indica cu den Codigo Civil ta para cu den caso di un tereno mas abou, tin cu permiti y ricibi awa di un tereno mas na halto, pa e awa sigui su caminda.

Si niun di dos bisiña no kier trece solucion, den un caso asina, ta bira un ‘burengeschil’, cu mester yega na un acuerdo na otro. Si esaki no resulta, e ora lo mester yama Cuerpo Policial y Cuerpo di Bombero pa asina intermedia y yega na un solucion satisfactorio pa tur e partidonan envolvi.  

P’esey ta importante na ora di construi un cas of cualkier edificio, pa tene cuenta pa laga caminda pa naturalesa pasa. Obstruccion den caminda di naturalesa, ta trece mas problema. 

Share on facebook
Share on Facebook
Share on whatsapp
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.