Diferente unidad di polis como tambe ambulance a presenta na un cas na Shiribana pa un persona cu lo a cay y keda herida di tal forma cu a bati alarma na autoridad.
Esaki a sosode den careda di 8:45 PM ora cu a pidi presencia di ambulance pa bin asisti un homber cu tabata herida. Na yegada enberdad a bin topa cu un persona cu tabatin mester di ayudo. Segun por a compronde cu no mucho dia atras e persona aki lo a efectua un operacion y muy probablemente debi na e caida lo a pidi ambulance pa sigura cu su situacion ta stabil.
Pa precaucion a opta pa transporta e persona pa hopsital pa asina e haya un chekeo despues di e caida cu el a pasa aden.
