fbpx
August 15, 2022

Evelyn Wever-Croes: A opta pa no bin cu toque de queda 

Share on facebook
Share on Facebook
Share on whatsapp
Share on Whatsapp
0
0
Evelyn Wever-Croes: A opta pa no bin cu toque de queda 
Evelyn Wever-Croes: A opta pa no bin cu toque de queda 


Prome minister Evelyn Wever-Croes den su rueda di prensa a informa riba e parti di comercio, unda a bin cu shelter in place desde 6:00 pm te 6:00 am. Esaki a trece cu ne hopi incertidumbre pa esunnan di sector di comercio di cual e mandatario a clarifica mas riba dje.

E mandatario a pidi e sector comercio no esencial pa cera 12:00 pm y asina e trahadonan bay cas. Gobierno hunto cu crisis team tabata premira cu e aspecto di codigo cora a dura te cu diahuebs merdia, pero den dia lo duna mas update. Diamars caba a informa cu si e tempo plama y no haci ningun daño, tur hende por lanta mainta y bay haci negoshi como custumber, esaki ta con ta pa comercio tambe.

Pero si tin hopi daño y e careteranan no por ta accesibel pa tur hende, e ora gobierno tin cu extende esey. P’e motibo ey Wever-Croes tabata pidi sector di comercio pa ta alerta. A pidi e negoshinan no esencial cera trempan manera oficina, tienda, pero a pidi esunnan esencial manera botica, supermercado, pomp di gasolin, hardware store keda habri un tiki mas largo.

Pa loke tabata e sector di horeca, unda ta duna servicio na hotel pa esakinan sigui opera. El a indica cu eynan si den consulta cu doño di trabou, tabata importante p’e trahadonan si acudi na pia di trabou y sigui duna e servicio constante eynan. No a bin cu toque de queda, mientras cu pa 6:00 pm a cuminsa un shelter in place. 

Pa mas lesa TREMPAN.COM.

Share on facebook
Share on Facebook
Share on whatsapp
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.