fbpx
August 15, 2022

Hospital: Aporte di personal tabata esencial prome durante y despues di tormenta

Share on facebook
Share on Facebook
Share on whatsapp
Share on Whatsapp
0
0
Hospital: Aporte di personal tabata esencial prome durante y despues di tormenta
Hospital: Aporte di personal tabata esencial prome durante y despues di tormenta


Den combersacion sosteni cu director di Dr. Horacio Oduber Hospital diaranson merdia, dr. Jacco Vroegop a sigura cu ta danki na e personal capacita y dedica di hospital, cu por tabatin tur cos prepara y cla pa enfrenta cualkier eventualidad relaciona cu e pasada di e mal tempo riba nos isla. Tabata trabou den ekipo y realisando te hasta tarea for di nan descripcion pa alcansa e obhetivonan fiha. 

Vroegop a papia di cu e personal di hospital, diferente na otro servicionan publico, no a stop di traha diaranson merdia, pero a traha orario completo y extendi. Algun te hasta a duna man den yenamento di saconan di santa pa pone strategicamente den e edificio y asina proteha e integridad di e parti paden for di elementonan.

Mientras cu gran mayoria di comunidad tabata yenando tanki di auto of cumprando comestibel den supermercado, profesionalnan medico tabata na pia di trabou pa haci tur e cambionan necesario y garantisa e continuacion di prestacion di cuido na pashentnan interna, busca alternativa pa esunnan ambulante y tambe tin tur cos na luga pa ricibi debidamente posibel casonan di emergencia. 

Naturalmente tur esaki a sosode cumpliendo cu e plannan di emergencia y contingencia den coordinacion cu tur otro instancia pertinente. 

Pa loke ta trata e condicion di e edificio nobo y con den pasado tabatin basta molester di lekmento. Vroegop a indica di ta traha hopi estrecho cu doño di e edificio, esta SOGA pa haci e trabounan necesario. Asina mes no por descarta cu keto bay lo tin aspectonan cu por bay presenta, pero a tuma e medidanan necesario pa e daño por ta minimo. 

Share on facebook
Share on Facebook
Share on whatsapp
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.