fbpx
August 13, 2022

Cla pa brinda cuido: Personal medico lo drumi awe na hospital

Share on facebook
Share on Facebook
Share on whatsapp
Share on Whatsapp
0
0
Hospital ta cla pa tur emergencia
Hospital ta cla pa tur emergencia


“Crisisteam di hospital a reuni un bes mas y ta informa cu a prepara riba tur front pa asina salvaguardia siguridad di nos pashent, colega y bishitante. Ta gradici di curason tur colega pa nan empeño y cooperacion pa asina ta cla pa cualkier eventualidad cu lo por surgi door di e tormenta tropical”, asina Charlaine Alexander-Huntington, relacionista publico di Dr. Horacio E. Oduber Hospital a caba di informa.

Decisionnan tuma:
▪ Dialisis ta sigui normal pa tur pashent.
▪ Testcenter HOH lo sigui brinda servicio pero na Palm Beach Plaza te cu proximo aviso. Procedura pa test y orario di servicio ta keda mescos.
▪ Bishita no ta permiti mas despues di 5:00 pm mirando cu desde 6:00 pm “Shelter in Place” ta drenta na vigor, manera anuncia pa Gobierno di Aruba. Purba di haci mas cu por uzo di telefon priva, videcalling, etc. pa keda den contacto cu e pashent interna den Hospital.
▪ Departamento di Emergencia di Hospital ta habri pa cualkier emergencia 24/7 pero ta pidi un y tur pa si e caso no ta di urgencia, pa keda cas trankil y purba subi caya lo menos posibel.
▪ Awenochi tur personal cu tin warda (specialista, nurse, departamentonan di sosten, servicio di cuminda, etc) lo keda Hospital pa ta cla para den caso di emergencia.

Crisisteam, staf y coleganan di Hospital ta trankilisa un y tur cu nan ta cla pa cualkier eventualidad. “Comunidad di Aruba por ta sigur cu nos lo sigui brinda e cuido di calidad na tur nos pashentnan manera ta custumber. Pa cualkier informacion por subi medionan social di Hospital unda ta sigui mantene comunidad di Aruba bon informa di tur desaroyo”, asina Charlaine Alexander-Huntington a termina bisando.

Share on facebook
Share on Facebook
Share on whatsapp
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.