fbpx
October 01, 2022

Minister Ursell Arends a reuni cu Coral Reef Alliance na Portugal

Share on Facebook
Share on Whatsapp
0
0
Minister Ursell Arends a reuni cu Coral Reef Alliance na Portugal
Minister Ursell Arends a reuni cu Coral Reef Alliance na Portugal


Minister di naturalesa, Ursell Arends hunto cu Interim Marine Park Manager di Aruba National Park Foundation, Sietske van der Wal, a reuni cu representante di Coral Reef Alliance durante su bishita oficial na Portugal. 

Coral Reef Alliance ta un organisacion internacional non-profit cu ta enfoca riba e salud di coralnan y medio ambiente marino. Durante e reunion a logra elabora riba desaroyonan pa rehabilita coral uzando sistemanan cu ta procesa awa limpi. Tambe ta keda crea laso internacional pa colaboracion riba proyectonan cu tin benificio pa pais Aruba, pa region Caribe y pa mundo henter.

Retonan pa cuida salud di nos lama ta uno cu ta ser comparti pa mayoria paisnan clasifica como “Small Island Developing States”, manera Aruba. Pa e motibo aki, e solucionnan proponi ta conta riba colaboracion y cooperacion internacional. Ya caba gobierno di Aruba y Reino Hulandes a demostra di tin e asunto na pecho.

Share on Facebook
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.