fbpx
August 15, 2022

For di 2016 ta purba cumpra edificio di Aduana: Gobierno a duna Bohama seis luna mas

Share on facebook
Share on Facebook
Share on whatsapp
Share on Whatsapp
0
0
For di 2016 ta purba cumpra edificio di Aduana: Gobierno a duna Bohama seis luna mas
For di 2016 ta purba cumpra edificio di Aduana: Gobierno a duna Bohama seis luna mas


Pa algun tempo caba Gabinete Wever-Croes I y awor hasta den e di dos periodo di gobernacion, ta na mesa cu e compania di construccion Bohama, purbando pa yega na un acuerdo pa swap/cambia e ex-edificio di duana cu un edificio nobo na Barcadera. Esaki ta encera cu Bohama ta haya e edificio bieu di Aduana cu tin riba L.G. Smith Boulevard y a cambio ta construi un edificio nobo pa henter e Cuerpo di Aduana na Barcadera. 

Prome Minister Evelyn Wever-Croes a splica cu esaki ta un proyecto cu ta trahando riba dje ya pa un tempo caba y cu e siman aki a firma un ‘addendum’ na e declaracion di intencion cu tabatin, pa duna Bohama y pais Aruba, un periodo di seis luna mas di tempo pa finalisa e detayenan. E proyecto aki, cu a start desde 2016, keto bay no por keda cla y como tal a duna Bohama awor mas chens pa mira con e por convence Gobierno cu su “deal” ta esun miho.

Bataya legal

Fuentenan a sigura cu Gobierno di Aruba por conta cu bataya legal riba e proyecto aki pasobra locual ta purbando aki no ta bay. No por ta asina cu a habri un destaho publico y tres compania a participa y na final a keda sin cumpra y awo ta habri e mesun destaho atrobe pero kier baha e prijs. E tempo aya a stipula e prijs na 11.6 miyon pero a opta pa warda y awo kier yega na un acuerdo mas abou. Esey de facto no por. Locual si por haci ta: Habri un destaho nobo den cual tur compania por participa bou e mesun condicionnan. Pasobra awor ta mustra cu ta previlegia un solo compania, siendo lo tin mas cu kisas ta ofrece mas ainda pa e tereno. De facto, e locual ta bal ey ta e tereno pasobra e condicion di e edificio ta malo. Pa e relato completo y e historia di e edificio y acuerdo cu Bohama, lesa e edicion awe di TREMPAN.

Share on facebook
Share on Facebook
Share on whatsapp
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.