fbpx
August 15, 2022

St. Aloysius School a celebra 60 aña di Sharissa Figaroa-Daal y Vladimir de Cuba

Share on facebook
Share on Facebook
Share on whatsapp
Share on Whatsapp
0
0
St. Aloysius School a celebra 60 aña di Sharissa Figaroa-Daal y Vladimir de Cuba
St. Aloysius School a celebra 60 aña di Sharissa Figaroa-Daal y Vladimir de Cuba


St. Aloysius School tabata den Cas di Cultura unda cu a celebra 35 aña di servicio di juffrouw Sharissa Figaroa-Daal y 25 aña di servicio di cabesante Vladimir de Cuba. A sorprende e juffrouw como cabesante cu e celebracion aki.

Vladimir de Cuba, cabesante di St. Alysius School, a indica cu enseñansa ta dushi y no tin un dia laf. Tur dia tin algo, sea e ta positivo of tin biaha menos positivo, pero tur dia tin un reto. Esey ta haci cu e no por bira un trabou laf. E barco ta nabega den lama duro y p’esey e cabesante ta sumamente cu tanto e alumnonan como e coleganan a sorprende nan cu e fiesta di sorpresa di celebracion.

Tanto juffrouw Sharissa como cabesante Vladimir no tabata sa nada, ya cu a percura pa mantene nan completamente afo di tur cos. De Cuba a gradici tur su coleganan, incluso esunnan di Colegio Felipe B. Tromp. Tambe el a gradici su pareha, pasobra nan ta keda ora largo na trabou, y nan ta hasta sacrifica den fin di siman. Sin e sosten y pasenshi di cas, e trabou no ta bira facil y alegre.

Sharissa Figaroa-Daal, juffrouw di St. Alysius School, a expresa cu el a cuminsa prome na Maria School y a conoce algun colega cu tabata bisa di tin 25 aña den enseñansa. Esey a pon’e pensa cu e tambe ta bay yega asina hopi aña den enseñansa. Awo e ta celebra 35 aña y e ta bay asina lihe sin cu sa. E satisfaccion cada final di aña, cada biaha ta asina grandi y ta sigui. Ora di mira e muchanan bay over, e ta un satisfaccion grandi, el a expresa.

Por ta e docentenan no ta esunnan cu ta forma ful e persona, pero nan ta pone e fundeshi. Esey e ta haya ta algo fantastico. Di mira su mes e tempo aña cu e lo yega 35 aña, e tempo aña no. Awo cu e t’ey, e ta gradici na Dios di a dun’e forsa cu ainda e ta na tino, ainda tin energia, ainda tin amor p’e trabou.

Pa mas lesa TREMPAN.COM.

Share on facebook
Share on Facebook
Share on whatsapp
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.