E siman aki Departamento di Obra Publico (DOW) lo cuminsa construi un “overrijdbaar rotonde” na e crusada Wilhelminastraat y Adriaan Lacle Boulevard, banda di N.V. ELMAR/COOKS Restaurant.
Den transcurso di siman lo informa comunidad ki dia lo cera e crusada pa por cuminsa cu e trabounan. Ultimo tempo ta DOW mes ta construi rotonde chikito, mescos ta ora di traha verkeersdrempels.
DOW ta adverti cu lo traha parti anochi y den dia e crusada lo keda habri. Dje forma aki lo stroba e trafico menos.
Pa algun aña caba DOW a traha duro pa elimina luznan di trafico di tur caminda. Separa cu nan ta anticua, ta dificil haya piesa pa nan ora di fayo. Den Playa a keda algun crusada cu ainda tin luz di trafico pero cu pocopoco lo elimina tambe.
