fbpx
October 01, 2022

Simon Waslander: Prijs di tereno eigendom lo hisa den e siguente añanan 

Share on Facebook
Share on Whatsapp
0
0
Simon  Waslander: Prijs di tereno eigendom lo hisa den e siguente añanan 
Simon  Waslander: Prijs di tereno eigendom lo hisa den e siguente añanan 


Resumen:
Aruba como isla bunita den Caribe, cu infrastructura amplio den sector turistico y un nivel bon di siguridad y stabilidad ta e rasonnan principal dicon e participantenan internacional lo kier cumpra real estate na e isla.

Danki na mas cu 14 aña di interes global abou y e expansion di e balansanan di e Banconan Central rond mundo a causa cu prijs di real estate riba nivel internacional a hisa enormemente.

Aruba su mercado di real estate vooral na e barionan di Noord, tin un corelacion hopi halto cu e mercado di condiminium na Florida, Miami. Un analisis di e mercado di luho di Miami ta indica cu e demanda ta enorme mes.

Combina esaki cu e trend macro economico, cu interes na Merca lo cuminsa baha un bes mas na cuminsamento di 2023 y e potencial di un crisis monetario na Europa unda e Banco Central di Europa lo purba tene interes abou y baha e valuacion di e Euro, lo por crea demanda Europeo pa real estate Arubiano como proteccion contro devaluacion di e moneda Europeo.

Tur e factornan aki ta duna un indicacion fuerte cu prijs di real estate vooral na Noord lo sigui hisa e añanan binidero.

MERCADO DI CONDIMINIUM DI FLORIDA

E mercado di real estate Arubiano tin un corelacion hopi halto cu e mercado di real estate di luho, esta condominium na Miami. Danki na e set di data hopi rico cu ta disponibel libremente riba internet por haci un analisis di e mercado di condominium na Miami.

Na Miami e condominiumnan di luho ta situa na un area yama “Brickell”, cu e zip code 33130.
Uzando data di RedFin, nos por haya indicacion con e mercado aki ta actuando.

Figura 1: Prijs di Condominium na Brickell Miami. Fuente: RedFin.

Manera nos por wak den figura 1 e prijs di condominium na Brickell a hisa manera un racket desde 2021.

Awo interes a na Merca a hisa fo’i 0% te cu 2.5% na e momento aki y e mercadonan ta anticipa cu interes lo ta na 3.5% pa fin di 2022. Nos lo pensa cu esaki lo cool down e mercado masha hopi mes. Pero un analisis mas deep ta mustra cu e mercado di luho na Miami a ignora esaki y ta sigui hisa den manera exponencial.

Figura 2: Year-over-Year Return Brickell Real Estate. Fuente: RedFin.

Esaki ta debi na e facto cu simplemente NO tin ningun supply mas. Hasta na e prijsnan extravagante aki, ningun hende ta willing pa bende nan condominium. Nos ta wak esaki hopi claramente den e figura siguente di invitario, dus caunto condominium tin riba mercado awo.

Figura 3: Brickell Total Inventory. Fuente: RedFin.

Mirando e mercado na Miami y cu e prijs ta sigui hisa sinembargo e hisamento di interes y cu casi no tin supply mes ta indica hopi fuerte cu prijs di real estate na Aruba, vooral na Noord lo sigui hisa. 

Estados Unidos pa Baha Interes na 2023.

Bezig ta wak e mercado di obligacion Mericano den Figura 4, nos ta wak cu e mercado aki ta spera cu interes lo piek rond 3.25% y cu ja caba na cuminsamento di 2023, interes lo cuminsa baha. Mas opvallend ainda ta cu e mercado ta voorspel cu interes lo baha 1.2% pa fin di 2023!

Figura 4: Interes den futuro volgens mercado di Obligaccion. Fuente: ZeroHedge.

Si interes baha esaki lo causa mas demanda ainda pa real estate.
Combina esaki cu e facto cu mercado na Miami ja caba ta sky high, nos lo por pensa cu prijs di real estate na Miami y Aruba lo mas speed pa fin di 2023.

Factornan Speculativo: Crisis Monetario na Europa y 3D Printing.

E siguiente factornan ta uno mas speculativo y mas dificil pa voorspel. Pero sinembargo relevante. Debi na e situacion di debe na Europa, interes na e region aki lo keda relativamente hopi abou. Esaki den e siguiente añanan lo pone hopi presion riba e moneda Europea e Euro.
Hende cu capital na Europa, lo por opta pa cumpra real estate pafo di e continente pa proteha e balor di nan capital. Dus si Euro sigui cai lo por bin un ola grandi di demanda Europeo pa real estate Arubiano.

E delaster factor ta uno tecnologico cual ta 3D Printing di cas.
E prijs di tereno ta omgekeerd cu prijs di construccion. Dus si prijs di construccion baha hopi danki na tecnologia, e prijs di tereno lo hisa cu e mesun porcentahe. Por ehempel si prijs di traha cas baha cu 50%, prijs di tereno lo hisa cu 100%. Pero e factor aki ta hopi dificil pa anticipa. Pero toch valido pa menciona.

Share on Facebook
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.