fbpx
October 01, 2022

Club Miami Aruba a habri den Weststraat

Share on Facebook
Share on Whatsapp
0
0
Club Miami Aruba a habri den Weststraat
Club Miami Aruba a habri den Weststraat


Diabierna ultimo tabata un fecha special pa centro di Oranjestad mirando cu un nightclub nobo a habri su porta. Ta trata di un luga cu tur hende ta cuminsa comenta di dje wardando ki dia ta habri oficialmente.

E dia a yega caminda cu den Weststraat, conoci pa tin tremendo fiesta, a habri Club Miami Aruba. E club nocturno ta ubica den e edificio di ex Carlos & Charlies. Tur hende por relata e punto aki na tremendo fiesta, bon ambiente y bon tempo y esey ta netamente loke Club Miami Aruba ta trece bek pa Weststraat y Aruba completo.

Club Miami Aruba no ta djis un nightclub mas, e ta un nightclub diferente. Pasa conoce un concepto completamente nobo; mirando cu ta trata di dos nightclub den un. Diabierna anochi tabata apertura di e prome parti cu un concepto mas moderno cu musica, reggaeton y house. E di dos parti di e nightclub lo habri pronto cu un concepto mas Latino; pues un tiki di tur cos pa tur hende gosa y disfruta.

Club Miami Aruba ta habri di diamars pa diadomingo for di 9’or di anochi pa 1’or di marduga den siman y te cu 3’or di marduga den fin di siman.

Share on Facebook
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.