fbpx
October 01, 2022

Gabinete Wever-Croes: Exito na tur studiante rumbo pa Hulanda

Share on Facebook
Share on Whatsapp
0
0
Gabinete Wever-Croes: Exito na tur studiante rumbo pa Hulanda
Gabinete Wever-Croes: Exito na tur studiante rumbo pa Hulanda


Dialuna 1 di augustus, e prome grupo di studiante a biaha pa Hulanda pa continua cu nan estudio y diamars 2 di augustus e otro grupo ta sali pa Hulanda pa continua cu nan estudio. Den nomber di Gobierno, Prome Minister Evelyn Wever-Croes ta desea e studiantenan tur cos bon y un bon biahe.

Den total tin 180 studiante cu ta biahando cu Arubalening pa Hulanda. Prome Minister Wever- Croes a splica cu asina cu e studiantenan yega Hulanda, conhuntamente cu Minister Plenipotenciario Ady Thijsen, lo tey pa ricibi nan. 

Prome minister ta desea e mayornan cu tin yiu biahando e dos dianan aki, pa ta fuerte y ta curasha nan pa keda recorda nan yiu riba e norma y balor cu nan a ricibi di nan cu ta e fundeshi pa e proceso nobo aki cu nan lo encamina. “Recorda nan riba e norma y balornan cu bo a siña nan pa asina ora cu nan yega Hulanda, nan por establece nan mes mas facil.”

Premier Wever-Croes a remarca cu na Hulanda, Arubahuis ta haciendo su esfuerso pa por regla e opvang di e studiantenan, pa nan por cera conoci cu nan ciudad y pa nan haya introduccion di kico ta e bida na Hulanda. “Hulanda no ta facil mas, haya cas na Hulanda ta un problema grandi pa e propio Hulandesnan, pues haya camber p’e studiantenan ta un reto grandi”, Prome Minister a enfatisa. 

Ademas, a compronde cu ainda tin algun studiante cu no a keda cla cu camber, y ta hopi inportante pa nan tuma contacto cu e mentor inmediatamente pa mira con por regla esaki. 

Prome Minister Wever-Croes ta duna e siguiente mensahe: “Hulanda no ta facil pa biba ni pa adapta, pero si nos studiantenan traha duro y nan tuma nan estudio na serio, nan por logra cosnan grandi. Pa nos como mayor, ta momento pa habri hala y laga nan bay. Den nomber di Gobierno di Aruba, mi ta desea studiantenan un bon biahe y hopi exito cu nan estudio na Hulanda”.

Share on Facebook
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.