fbpx
December 06, 2022

Ta premira reduccion drastico den tarifa di gasolin

Share on Facebook
Share on Whatsapp
0
0
Ta premira reduccion drastico den tarifa di gasolin
Ta premira reduccion drastico den tarifa di gasolin


Adelantando dos siman prome cu e fecha di anuncio, fuente yega na e formula cu Departamento di Asunto Economico di Gobierno ta uza den e proceso pa yega na e prijs di combustibel na Aruba, ta sigura cu pa luna di augustus lo baha prijs di gasolin, diesel y kerosin na un forma considerabel. Esaki sin duda lo bira un bon noticia pa pueblo, specialmente cu Gabinete Wever-Croes a bin ta anuncia varios reforma (medida-ahustacion) tras di otro e ultimo simannan aki. 

Tur luna, riba e di dos diamars di luna ta anuncia e prijs nobo cu ta drenta na vigor su siguiente dia, esta e di dos diaranson di luna. Siguiendo e maneho ey, ta nifica cu dia 9 di augustus lo haci e anuncio di prijsnan cu ta drenta na vigor dia 10 di augustus y cu lo ta vigente, sin ningun adaptacion, te dia 13 di september atrobe, ora bolbe adapta e prijsnan cu lo drenta na vigor dia 14 di september, atrobe pa henter un luna largo. 

Un reduccion drastico

Tur cos ta indica cu pa luna di augustus prijs di combustibel generalmente lo ta menos di e ultimo lunanan, den cual el a subi drasticamente casi tur luna. Aunke no por confirma, pero e ultimo proyeccion ta mustra cu e prijs pa liter di gasolin por baha cu te hasta 40 cen! Claro cu desaroyo internacional por influencia e proyeccion aki pero e ultimo simannan, den forma consistente, e prijs pa bari di petroleo a sigui baha of keda stabiel. Por lo menos e prijs halto cu a nota simannan atras no tey mas, pa diferente factor internacional cu awor ta cumbini Aruba!

Pa un relato mas amplio, lesa TREMPAN.

Share on Facebook
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.