fbpx
October 01, 2022

297 Baseball Academy: Supernova Futures y Supernova Select cla pa enfrenta team di baseball di Aruba

Share on Facebook
Share on Whatsapp
0
0
297 Baseball Academy: Supernova Futures y Supernova Select cla pa enfrenta team di baseball di Aruba
297 Baseball Academy: Supernova Futures y Supernova Select cla pa enfrenta team di baseball di Aruba


Desde prome te cu ocho di augustus 297 Baseball Academy ta organisa algun wega di baseball. Mas di 100 persona di Westbrook, Maine, a yega y ta trata di e teamnan Supernova Futures y Supernova Select.

Brodie Carey, doño di 297 Baseball Academy, a splica cu cada team ta hunga cinco wega contra algun team local. A traha un schedule entre White Sharks, Stars Aruba Baseball Academy, Blue Marlins. Cada un dje teamnan ta hunga dos wega contra e organisacion di Supernova. Pa loke ta e weganan esaki ta tuma luga entre Joe Laveist Ballpark y veld di Crismo Angela/Nadi Croes.

Nan tin un proyecto di cual ta pa yuda drecha e veld di basketball na Village. Ta cuminsa den algun fase, y cu e team aki nan ta cuminsa limpia, drecha net y verf. Despues lo sigui n’e siguiente fase pa haci esaki mas confortabel, pero tambe cu por haci competencia eynan den ora di mainta y anochi.

Greg Post, coach y coordinado di Supernova, a indica di ta contento pa ta aki. Nan ta traha cu Carey, unda cu tin dos team. Cada team ta hunga cinco wega, pero na mes momento ta haci trabou comunitario na e veld di basketball. El a splica aparte dje weganan, esaki ta un momento di cualidad cu famia. Como cu nan ta di vakantie, a combina esaki cu baseball. Un total di 28 hungado a yega hunto cu nan famia.

297 Baseball Academy y Supernova ta invita comunidad pa bin presencia e weganan y entrada ta 5 florin pa adulto, mientras cu mucha ta drenta gratis.

Pa mas lesa TREMPAN.COM.

Share on Facebook
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.