fbpx
August 15, 2022

Aruba Sport Unie ta asocia cu The Freewinds pa por trece mas felicidad na nan Sport Kamp

Share on facebook
Share on Facebook
Share on whatsapp
Share on Whatsapp
0
0
Aruba Sport Unie ta asocia cu The Freewinds pa por trece mas felicidad na nan Sport Kamp
Aruba Sport Unie ta asocia cu The Freewinds pa por trece mas felicidad na nan Sport Kamp


E ekipo di Freewinds hunto cu Sr. Wiwi Peña ta traha hunto pa trece mas felicidad na e Hobenan participando den e “Youth Summer Camp” di Aruba Sport Unie, danki na e bukinan di The Way To Happiness , un guia moral pa biba mihor.
A pesar di loke ta pasa den mundo, Aruba ta yuda nos hobenan, asegurando cu e Summer Camp aki ta ofrece un refugio pa e hobenan caminda no solamente nan ta pasa bon y disfruta di e actividadnan deportivo, pero tambe nan lo siña e balornan cu lo contribui pa nan bira ciudadano valioso di nos bunita y feliz isla.

Aki Sr Wiwi Peña y e representante di e oficina di Freewinds Port Captain, orguyosamente ta repartiendo e bukinan di The Way To Happiness.

Luchando contra e aumento di e nivel di crimen y violencia Freewinds a asocia cu diferente miembro importante den nos comunidad. Sr Wiwi Peña y Sr. Gerald Franca di Aruba Sport Unie ta reparti mas cu cien buki di The Way To Happiness na Papiamento, den un esfuerso di dos aña pa mustra e hobenan di nos isla cu bida verdaderamente por ta un caminda pa felicidad pa nan mes, nan famia y nos comunidad.

 

Mei mei di un temporada di vacacion turbulento caminda muchanan di otro paisnan ta wordo menasa pa situacionan peligroso cu ningún mucho lo mester pasa aden, Freewinds y Aruba Sport Unie a percura pa nos muchanan local pasa un vacacion varia y hopi dushi y cu a culmina cu un regalo cu lo hasi esaki un vacacion memorabel. Cu e buki E Caminda Pa Felicidad e muchanan a siña varios precepto valioso. E conocemento aki lo sirbi nan pa biba un bida mihor pa resto di nan bida.
Balornan moral ta e blokinan cu ta rondona e muchanan pa nan por cana cu seguridad mientras cu nan ta siña traha un mihor futuro. Sr. Piña ta kere firmemente den esaki. Wiwi a declara:” Danki na e presencia di Freewinds. Boso tin un programa c uta enfatisa principionan moral.E bukinan aki ta wordo duna na e muchanan pero mi ta sigur cu nan lo yuda nan mayornan p ata mihor guía pa nan yuinan. E muchanan aki no tin un visión con bida ta structura y nan mester wordo guía pa medio di principionan moral correcto.”
Sr. Piña ta na fabor di actividadnan cu lo tene e hobenan leuw di influencia dañino. Mester dunanan balornan y hermentnan cu lo yuda nan bira mihor persona mientras nan ta crece cu e deseo pa yuda otro hende.
E Caminda pa Felicidad ta un código moral NO religioso basa completamente riba sentido común. Su autor ta L.Ron Hubbard y ela wordo publica originalmente na 1981 pa yuda revoca e decenso moral di e sociedad door di restaura confiansa y honestidad.
Pa haya sa mas di E Caminda Pa Felicidad pa bo mes, bo famia of bo organización tuma contactpo cu e oficina di Port Captain di The Freewinds vgia email na [email protected] of na Whatsapp na +1-727-301-0721.

Share on facebook
Share on Facebook
Share on whatsapp
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.