fbpx
October 01, 2022

Banco Central: Confiansa di negoshi ta menos optimista

Share on Facebook
Share on Whatsapp
0
0
Banco Central: Confiansa di negoshi ta menos optimista
Banco Central: Confiansa di negoshi ta menos optimista


Banco Central di Aruba (BCA) a conclui e encuesta di percepcion di negoshi pa e di segundo trimester di 2022. E encuesta di percepcion di negoshi ta evalua e percepcion economico di e negoshinan local.

Durante e segundo trimester di 2022, e asina yama ‘Business Perception Index’, cu ta consisti di e indicenan di condicion economico actual y condicion economico a corto plaso, a mengua cu 3,3 punto di indice te na 104,6 cual ta refleha confiansa di negoshinan menos optimista (Grafiek 1). E cambio den den e percepcion di negoshi ta debi na un caida den tanto condicion economico actual y a corto plaso.

Grafiek 1: ‘Business Perception Index’

Fuente: Banco Central di Aruba

E indice di condicion economico actual a reduci cu 1,7 punto di indice te na 105,2 compara cu 106,9 den e di prome trimester di 2022. E indice di condicionnan economico a corto plaso a registra un bahada di 5,4 punto di indice, esta for di 109,1 den e di prome trimester di 2022 te na 103,7 den e di segundo trimester di 2022 (Grafiek 2). E porcentahe di encuestadornan cu ta premira un crecemento economico positivo den e siguiente 12 lunanan a nota un reduccion di 15,4 punto di indice te na 34,6 porciento. 

E informe completo di e encuesta di percepcion di negoshi ta disponibel riba website di BCA (https://www.cbaruba.org/).

Grafiek 2: Condicion Economico actual y Condicion Economico a corto plazo

Fuente: Banco Central di Aruba

Share on Facebook
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.